Qasym-Jomart Toqaev Ilııana Iotovany Bolgarııa Respýblıkasynyń ulttyq merekesi – Azat etý kúnimen quttyqtady, dep jazady Egemen.kz.
Prezıdent Bolgarııany Qazaqstannyń Eýropa Odaǵyndaǵy mańyzdy ári senimdi seriktesteriniń biri retinde atap, eki el arasyndaǵy saıası dıalogtyń, ekonomıkalyq jáne mádenı-gýmanıtarlyq yntymaqtastyqtyń aıasy keńeıip kele jatqanyna toqtaldy.
Bolgarııany alǵash ret áıel adam basqarady
Sonymen qatar birlesken kúsh-jiger arqyly qazaq-bolgar yqpaldastyǵy dáıekti túrde damı beretinine senim bildirdi.
Qasym-Jomart Toqaev Ilııana Iotovanyń jaýapty memlekettik qyzmeti men ıgi bastamalaryna sáttilik, al Bolgarııa halqyna qut-bereke tiledi.
Eske salaıyq, Memleket basshysy budan eki aı burynn AQSh pen Bolgarııa elshilerinen senim gramotalaryn qabyldaǵan edi.