Jol-kólik oqıǵasy bolǵan kezde ýaqytty sozbaı, saqtandyrý tólemin tikeleı rásimdeýge múmkindik beretin Eýrohattama tetigi keńinen qoldanylyp keledi. Qazaqstannyń Qarjy naryǵyn retteý jáne damytý agenttigi mindetti avtosaqtandyrý boıynsha ótinish berýdiń osy jeńildetilgen tártibi týraly taǵy bir márte eske saldy, dep jazady Egemen.kz.
Eýrohattama – jol-kólik oqıǵasyna (JKO) qatysýshylarǵa jol polısııasy qyzmetkerlerin shaqyrmaı jáne sotqa júginbeı-aq, apat ornynda saqtandyrý uıymyna tikeleı saqtandyrý tólemine ótinish joldaýǵa múmkindik beretin rásim.
Bul tetik ýaqytty únemdeýge, artyq qaǵazbastylyqtan arylýǵa jáne daý-damaıdy ýshyqtyrmaı sheshýge baǵyttalǵan.
Eýrohattama sheńberinde saqtandyrý jaǵdaıyn retteý úshin myna talaptar oryndalýǵa tıis:
- oqıǵaǵa tek eki kólik qatysady;- eki júrgizýshiniń de qoldanystaǵy saqtandyrý polısi bar;- zalal somasy 100 AEK-ten aspaıdy;- qatysýshylar arasynda kináli tarapqa qatysty kelispeýshilik joq;- JKO saldarynan eshkimniń ómiri men densaýlyǵyna zııan kelmegen;- úshinshi tulǵalardyń múlkine zalal keltirilmegen.
Osy talaptardyń bári saqtalǵan jaǵdaıda ǵana jeńildetilgen tártip qoldanylady.
Qostanaı oblysynda jyl basynan beri 300-den asa jol-kólik oqıǵasy tirkeldi
О́tinishti qalaı rásimdeýge bolady? Nátıje jáne tıimdilikEýrohattamany resimdeý úshin qatysýshylardyń ekeýi de «Europrotocol», «DTP.kz» nemese «Halyk Kazakhstan» mobıldi qosymshalarynyń birin júktep alýy qajet. Sonymen qatar saqtandyrý uıymdarynyń resmı ınternet-resýrstary arqyly da ótinish berýge múmkindik bar.
Rásimdeý tártibi mynadaı:
- qosymshada sáıkestendirýden ótý;- deklarasııalardy toltyrý;- apat ornyn foto jáne beınematerıaldarmen tirkeý;- ótinishti júıe arqyly saqtandyrý uıymyna joldaý.
Mańyzdy talap – saqtandyrýshy deklarasııany qabyldaǵany týraly habarlama kelgenge deıin oqıǵa ornynan ketpeý. Habarlama alynǵan soń qatysýshylar jolyn jalǵastyra alady. Bul jaǵdaıda jol polısııasyn shaqyrý jáne sotqa júginý talap etilmeıdi.
Jol-kólik oqıǵasy 27 paıyzǵa artqan
2026 jylǵy 1 qańtardaǵy jaǵdaı boıynsha Eýrohattama iske qosylǵaly beri jalpy somasy 4,9 mlrd teńgege jýyq 25 myńǵa tarta saqtandyrý oqıǵasy jeńildetilgen tártippen rásimdelgen.
Bul tetik:
- saqtandyrý tólemderin alý merzimin edáýir qysqartady;- jol ınfraqurylymyna túsetin júktemeni azaıtady;- sot júıesine túsetin aýyrtpalyqty tómendetedi;- júrgizýshilerdiń ýaqytyn únemdeıdi.
Eýrohattama – sıfrlyq múmkindikterdi tıimdi paıdalaný arqyly azamattarǵa qolaıly jaǵdaı jasaýǵa baǵyttalǵan naqty qadam.
Jol-kólik oqıǵasyn azaıtýdyń bir sharasy