Búgin «Ádiletti jáne Progressıvti Qazaqstannyń Halyqtyq Konstıtýsııasy úshin!» jalpyulttyq koalısııasy músheleri Abaı oblysynyń jurtshylyǵymen kezdesti. Kezdesý barysynda Memlekettik keńesshi Erlan Karın Prezıdenttiń Egemendik jáne Táýelsizdik sózderin nelikten bas árippen jazatynyna toqtaldy, dep jazady Egemen.kz
«Memleket basshysy Qasym-Jomart Kemeluly túrli qujattarmen jumys istegende, óziniń sóıleıtin sózderinde Egemendik jáne Táýelsizdik uǵymdaryn árdaıym bas árippen jazady. О́ıtkeni, Prezıdent qoǵamdyq sanada bul sózderdiń erekshe qundylyq retinde ornyqqanyn qalaıdy. Ata Zańnyń jańa mátininde de osy ustanym saqtaldy. Nege?! Sebebi, bular qoǵamdyq sanada qasıetti jáne qasterli uǵymdar bolyp bekitilý úshin. Ásirese, jastardyń sanasynda. Bul maǵynasy jaǵynan mańyzdy áreket», dedi Erlan Qarın.
Memlekettik keńesshiniń aıtýynsha, jańa Konstıtýsııada bul termınderdiń jıi qoldanylýy onyń memlekettilikti kúsheıtýdegi rólin aıqyndaıdy. Atap aıtqanda, 1995 jyly qabyldanǵan Ata Zańda «Egemendik» sózi 3 jerde kezdesedi. Al jańa Konstıtýsııada 6 jerde qoldanylǵan. Sol sekildi «Táýelsizdik» sózi eski Ata Zańda nebári 1 ret atalsa, jańa Konstıtýsııada 4 jerde qoldanylǵan.
Erlan Qarın Ata zańnyń basty ereksheligin atady
Sondaı-aq Erlan Karın bul uǵymdardyń memlekettik basqarý júıesindegi quqyqtyq orny men olardy qorǵaý tetikterine basa nazar aýdardy. Onyń sózinshe, Egemendik pen Táýelsizdik Jańa Konstıtýsııada memleket qyzmetiniń eń birinshi negiz quraýshy qaǵıdaty retinde bekitildi.
«Jańa Ata Zańnyń «Konstıtýsııalyq qurylys negizderi» dep atalatyn I-bóliminiń 3-babynda Qazaqstan Respýblıkasy qyzmetiniń negiz quraýshy qaǵıdaty – «Egemendik pen Táýelsizdikti qorǵaý» dep anyq jazylǵan. Iаǵnı, Egemendik pen Táýelsizdikti damytý nemese nyǵaıtý dep emes, qorǵaý dep aıqyn kórsetilgen. Bul uǵymdy da Jańa Konstıtýsııaǵa Memleket basshysynyń ózi engizdi», dep naqtylady ol.
Erlan Qarın: Jańa Konstıtýsııa elimiz qaıda bara jatyr jáne Qazaqstan bolashaqta qandaı bolady degen suraqqa jaýap beredi
Sóz sońynda Memlekettik keńesshi Táýelsizdik pen aýmaqtyq tutastyq máseleleriniń myzǵymastyǵyna jáne bul qundylyqtardyń eshqashan talqylanbaıtyn norma ekenine toqtaldy.
«Buǵan qosa, Jańa Konstıtýsııadaǵy 2-baptyń 2-tarmaǵynda jazylǵandaı, «Qazaqstan Respýblıkasynyń Egemendigi onyń búkil aýmaǵyn qamtıdy. Memleket óz aýmaǵynyń tutastyǵyn, qol suǵylmaýyn, bólinbeýin qamtamasyz etedi». Sonymen qatar, «Qazaqstan Respýblıkasynyń Egemendigi, Táýelsizdigi, ýnıtarlyǵy, aýmaqtyq tutastyǵy men basqarý úlgisi ózgermeıdi». Bul týraly jańa Ata Zańnyń 2-babynyń 7-tarmaǵynda naqty jazylǵan. Iаǵnı, Egemendik, Táýelsizdik, Aýmaqtyq tutastyq qoǵamda másele retinde eshqashan talqylanbaıdy. Tipti, referendýmǵa da shyǵarylmaıdy. Memleket basshysy 2021 jyly óz maqalasynda jazǵandaı, «Táýelsizdik bárinen qymbat». Endi bul sóz bizdiń kúndelikti ómirde ustanatyn uranymyz jáne Ata Zańymyzdaǵy mańyzdy norma bolyp bekitildi», dep túıindedi Erlan Qarın.
Jańa Ata zańda «adam» sózi 76 ret kezdesedi