21 shildede Londonda Ýaıtholl janynda Koroldik gvardııa jylqysymen sýretke túspekshi bolǵan týrısti janýar tistep alǵan, dep habarlaıdy Egemen.kz.
Metro basylymynyń habarlaýynsha, ǵımaratta «Abaılańyz! Jylqylar teýip jiberýi nemese tistep alýy múmkin» degen eskertpe bar. Alaıda týrıster buǵan asa mán bermeı, saldarynan túrli dene jaraqattaryn alady.
«Qoǵamdyq qaýipsizdikti qamtamasyz etý úshin qansha tyrysqanymyzben, jylqylar tistep nemese teýip jiberýi múmkin. Halyqty eskertýlerimizge qulaq asýǵa shaqyramyz», dep málimdegen Koroldik gvardııa ókilderi.
Oqıǵa vıdeoǵa túsip qalǵan. Buǵan deıin áıel óz tobynda taǵy bir týrıstiń jylqy tistep alǵanyn kórgen, biraq ol sýretke túsý úshin jaqyndaýǵa bel býǵan. Jylqynyń reaksııasy belgidegi eskertýdi rastaǵan. Áıeldiń jaqyndap kele jatqanyn baıqaǵan at basyn buryp, onyń qolynan tistep alǵan.