Aýyl qartynyń ınstıtýt bitirgeni shamaly, biraq keýdesi kómbe, aıtary ǵıbrat pen «qaraǵym», «shyraǵym». Keıbir qala qartynyń professorlyq ataǵy bar, jaqsy qyzmet atqarǵan, eki tilge birdeı jorǵa, biraq kisápir, minshil, kisilikten, úlkendikten alys. Aýyl kelininiń oqyǵany az, alaıda qabaǵy jyly, júregi jumsaq, qyzmeti ázir. Qala kelininiń dıplomy kóp, biraq túsi synyq, sózi sýyq. Bu l netken paradoks? Sonda kim oqyǵan, kim oqymaǵan?
Álqıssa, bilim ekige bólinedi deıdi. Biri – bas bilimi, ekinshisi – júrek bilimi. Bas bilimi – kásiptik bilim, salalyq, mamandyqty ıgerý, mal tabýǵa arnalǵan dúnıelik bilimder. Al júrek bilimi – ar-uıat, ıman, obal, saýap bilimi. Shyǵysta tek bas bilimin meńgerip, júrek bilimin almaǵandy jalǵyz kózdi tóbekózge teńegen eken. Tóbekóz uǵymy osy túsinikten shyqqan desedi. Iаǵnı obal, saýap bilimin ıgermegen jan kisige jany ashý, tazalyq, kisilik degen qasıetterdi «eskilik» dep qarap, sýyq aqylmen mejesine umtylady. Nege aýyl qartynyń keýdesi kómbe, túsi men sózi jyly? Olar dástúr atty ınstıtýttyń úzdik shákirtteri eken. Al qazaqy salt-sana, yrym men joralǵy, dástúr sabaqtastyǵy ıman bilimimen, ar-uıat, obal, saýappen bite qaınasqan. Keıde eldik dástúr atty ınstıtýtyna jeter bilikti oryn joq shyǵar degen oı keledi. О́z basym Batystan, Shyǵystan, álemniń túkpir-túkpirinen izdegen, tapqan bilimim qazaqylyq atty kıeli uǵymnyń tobyǵyna da jete almaıtynyn sezdim. Shyn qazaq bolý qıynnyń qıyny, biraq bul baqyt eken. Baqyt bolatyny, siz qazaq bolyp-aq orasan zor baı dúnıetanymǵa, nurly aqylǵa, alqam-salqam darqan minezge ıe bolasyz.
Ádebıetke qarasaq, Muqaǵalı, Berdibek, Saıyndar aýyldan Almatyǵa kesh kelipti. Eldik dástúr ınstıtýtyna toıyp kelip, toıǵan qozydaı tompaıyp júripti. Solaısha ulttyq bıikke qoltańbasyn qaldyrypty.
Edige BО́KEI,«Egemen Qazaqstan»