Pavlodar oblysy boıynsha TJM ónerkásiptik qaýipsizdik komıteti departamentiniń bólim basshysy sottaldy, dep habarlaıdy Egemen.kz.
17 maýsymda Pavlodar qalasynyń №2 sotynyń úkimimen TJM ónerkásiptik qaýipsizdik komıteti oblystyq departamentiniń bólim basshysy Q.Temirhanov 3 jylǵa bas bostandyǵynan aıyrylǵan.
«Ol ónerkásiptik qaýipsizdik salasynda jyl saıynǵy tekserýler júrgizý kezinde jalpy qamqorlyǵy úshin kásiporyn basshysynan 1,3 mln teńge somasynda para aldy dep aıyptaldy», delingen habarlamada.
«Memlekettik qyzmet týraly» zańnyń 10-babyna sáıkes memlekettik organdardyń basshylary baǵynyshty memlekettik qyzmetshiler tarapynan sybaılas jemqorlyq quqyq buzýshylyqtardyń aldyn alýǵa tıis. Osyǵan baılanysty Pavlodar oblysynyń Sybaılas jemqorlyqqa qarsy qyzmetiniń usynysy boıynsha óziniń laýazymdyq mindetterin tıisinshe oryndamaǵany úshin joǵaryda atalǵan departamenttiń basshysy men onyń orynbasary atqaratyn laýazymdarynan bosatylǵan.
Sot úkimi zańdy kúshine engen joq.