Bıylǵy sý tasqyny – elde uzaq jyldan beri bolmaǵan tabıǵı apat. Mundaı qysyltaıań tusta otandastarymyz bir-birine uıysa qoldaý kórsetip, jumyla áreket etti. Arqadaǵy aǵaıynǵa, Jaıyqtaǵy jurtqa búkil Qazaqstan halqy kómektesýge umtyldy. Tótenshe jaǵdaıda tosyrqaǵan jurtqa respýblıkanyń ár túkpirindegi eriktiler kerek-jaraǵyn jıyp, gýmanıtarlyq kómek jóneltti. Naǵyz birlik synalǵan sátte Assambleıanyń «Júrekten júrekke» jobasynyń volonterleri de qapy qalmady.
Mine, tasqyn sýdan qaýip seıilip, kóńil ashylǵaly týra eki aıdan asty. Ásirese elimizdiń batys óńirinde qara terge túsip, kúni-túni toltyrylǵan qap-qap topyraq jaǵa boıynan alynyp, jurt kúıbeń tirliktiń qamyna qaıta kiristi. Tótenshe jaǵdaıda baspanasyz qalǵan halyqtyń áleýmettik osal toptaryna, asyraýshysynan aıyrylǵan, quqyq belgileıtin qujattarynda máseleler týyndaǵan ne jeke turǵyn úıi joq kópbalaly otbasylarǵa Assambleıa ókilderi de úı alyp berip jatyr.
Shynaıy janashyrlyqty sezingenderdiń biri – Atyraý oblysy Qulsary qalasyndaǵy ata-anasynyń qamqorlyǵynsyz qalǵan Daýylbaevtar otbasy. Tabıǵı apat saldarynan baspanasyz qalǵan ápkeli-sińlili – Shattyq, Aqtilek jáne Aıkórkem buǵan deıin Atyraý qalasynda páter jaldap kelgen. Arýlar jýyrda QHA-nyń «Júrekten júrekke» jobasy aıasynda qonys toıyn toılady.
– Qulsary qalasynyń ákimdigi bizge úı beriletinin habarlaǵanda tóbemiz kókke jetkendeı boldy. Sózben aıtyp jetkize almaıtyn, qýanysh sezimi boıdy kernedi. Sý tasqynyna deıin de týystarymyzdikinde turǵan edik. Men úıdiń tuńǵyshymyn. Osyndaı jomart júrekti jandardyń arqasynda ýaıymym seıildi. Atyraý qalasy, Nursaıa shaǵyn aýdanynan páter alyp berdi. Qujattary tolyq rettelgen soń, asyǵa qýanyshty toıladyq, – dedi Shattyq Daýylbaeva.
Bórkin aspanǵa atyp, baspana kiltin judyryǵyna qysqandardyń taǵy biri – Batys Qazaqstan oblysynyń Peremıotnoe aýylynda sý tasqyny saldarynan úıi qıraǵan erli-zaıypty Berkinǵalıevter. Olar 3 balasymen birge páter jaǵalaýǵa májbúr bolǵan. Endi QHA músheleri men mesenattary úı syılap, qıyn kúnder artta qaldy.
– Bizge kómektesip, úı alyp berip jatqan janashyr jandarǵa alǵysymyz sheksiz. О́te qýanyshtymyz. Apat aımaǵynda turyp, barsha otandasymyzdyń shynaıy yqylasyn sezindik. Jan-jaqtan qaýmalap, ár túrli kómek jetti. Memleket basshysy Qasym-Jomart Toqaev bıyl sýǵa ketken turǵyndardy baspanamen qamtý týraly úndeý joldaǵan edi. Baspanasyz tentirep, dal bolǵan turǵyndar da biz sııaqty qýansa eken dep tileımin, – dedi Peremıotnoe aýylynyń turǵyny Maral Berkinǵalıeva.
Negizi alǵash bolyp, Assambleıa ókilderi Aqmola oblysy Jarqaıyń aýdany Derjavınsk qalasyndaǵy Qabıdenovter otbasyn jaqsy jańalyqpen qýantty. Darhan men Ksenııanyń baspanasy sý tasqynynan zardap shegip, qalpyna keltirýge jaramsyz bolyp qalǵan. Eki balany tárbıelep otyrǵan jubaılarǵa 4 bólmeli páter berilip, kómek kórsetildi.
– Qazaqstan halqy Assambleıasy qaıyrymdylyqqa basymdyq beredi. Halyqtyń birligi men sabyry qıyndyqta synalady. Elimizdiń birqatar óńirinde bolǵan sý tasqyny bútin halyqty judyryqtaı jumyldyrdy. Bul rette Assambleıanyń ár múshesi barlyq múmkindigin aıamaı, aımaqtarǵa kómek qolyn sozdy. Barlyq Dostyq úıinde volonterlik ortalyqtar men gýmanıtarlyq kómek qabyldaý pýnktteri uıymdastyryldy. Assambleıanyń mesenattary jan-jaqtan qalys qalmaı belsendi túrde qarjylaı qoldaýlaryn kórsetti. «Jumyla kótergen júk jeńil» demekshi, qıyn jaǵdaıda kásipkerler memleketke degen adaldyǵyn osylaı halyqqa kómek berýmen kórsetip, sózden naqty iske kóshti dep aıta alamyn. Assambleıa shynymen muqtaj adamdarǵa kómektesedi. Baspanaly bolǵandardyń arasynda otandasymyz, tórt balany jalǵyz tárbıelep otyrǵan ana – Aıman Qazova da bar. Onyń Arqalyq qalasy mańyndaǵy úıi qalpyna keltirýge jaramsyz dep belgilendi. Aımannyń quqyq belgileıtin qujattarmen máseleleri bolyp, baspana alýdan úmiti úzilgen edi. Úmiti aqtaldy, – dedi Sý tasqynynan zardap shekkenderge gýmanıtarlyq kómek kórsetý jónindegi QHA respýblıkalyq shtabynyń jetekshisi Akbarjon Ismaılov.
Jalpy, QHA-nyń zardap shekkenderge qoldaý kórsetý jónindegi respýblıkalyq jáne óńirlik shtabtary jedel jáne úılesimdi túrde «Júrekten júrekke» aýqymdy aksııasyn ótkizdi. Apat aımaqtaryna jalpy somasy 770 mıllıon teńgege 1500 tonnadan astam azyq-túlik pen birinshi qajettiliktegi taýarlar jóneltildi. Etnomádenı birlestikterdiń 12 myń eriktisi qaıyrymdylyq kómek jınaýǵa, evakýasııalaýdy uıymdastyrýǵa jáne azamattardy aqparattandyrýǵa belsene qatysty.
– О́tken jyldyń ózinde Qazaqstan halqy Assambleıasynyń uıymdastyrýymen Abaı aýdanyndaǵy alapat órtten zardap shekkenderge jalpy somasy 47 mıllıon teńgeden astam gýmanıtarlyq jáne qarjylyq kómek kórsetildi. Igi isterdiń úlkeni men kishisi bolmaıdy. Kómekke muqtaj otbasylarǵa qol ushyn sozyp, qaıyrymdylyq jobalarǵa qoldaý kórsetý – bizdiń azamattyq jaýapkershiligimiz jáne patrıottyq sezimimizdiń aıqyn úlgisi dep bilemin. Sondyqtan bul is-sharalar áli de jalǵasady. Halqymyzdyń «Yrys aldy – yntymaq» degen qanatty sózinde úlken mán bar. Dostyq pen tatýlyqtyń temirqazyǵyndaı el birligi – eń basty qundylyǵymyz, baǵa jetpes baılyǵymyz. Osylaısha, elimizdiń aýyz birligi artyp, ál-aýqaty jaqsarsa, ózgelermen terezemiz teń, keregemiz keń el retinde odan ári damı beretinimiz anyq, – dedi A.Ismaılov.
Tosynnan kelip, tosyrqatqan tasqyn tusynda jas ta, jasamys ta qolynan kelgen kómegin aıamady. Biri sýdan qorǵanýdyń amalyn istep, qamal turǵyzsa, endi biri kúndiz-túni qara kúsh jumsap, ter tókken jurtqa as-aýqatyn qamdady. Taǵy bir eriktiler arnaıy pýnktterde gýmanıtarlyq kómekti rettep, úlestirdi. Búgingi qamsyz kóńil sol jandardyń eńbegi.