Kúni keshe qazaq boksshylarynyń Parıj olımpıadasyndaǵy alǵashqy qarsylastaryn anyqtaǵan resmı jerebe tartý rásimi ótti, dep jazady Egemen.kz Ulttyq olımpıadalyq komıtetke silteme jasap.
Jerebe qorytyndysyna sáıkes, boks súıer qaýym qazaqtyń bylǵary qolǵap sheberleriniń qarsylastary qarymdy ekenin aıtyp jatyr.
Osyǵan baılanysty bokstan erler quramasynyń bas bapkeri Myrzaǵalı Aıtjanov pikirin bólisti.
«Bul – Olımpıada oıyndary. Árbir qarsylas iriktelip, úlken daıyndyqpen kelgen. Ońaı qarsylas joq. Sol sebepti, árbir jekpe-jek biz úshin fınalǵa para-par. Biz ekinshi, úshinshi kezdesý qıyn bolady dep qarastyrmaımyz. Biz birinshi jekpe-jekten bastap tas túıin daıyn shyǵamyz», dedi bas bapker.
Boksshylarymyzdyń birinshi aınalymdaǵy qarsylastarynyń aty-jóni, qaı eldiń ókili ekenin buǵan deıin habarlaǵan edik.