«Qazgıdromet» sınoptıkteri 30 shilde - 1 tamyz aralyǵyna arnalǵan úsh kúndik aýa raıy boljamyn jarııalady, dep habarlaıdy Egemen.kz.
«Batys antısıklonnyń áserine qaramastan, soltústik, shyǵys, ońtústik-shyǵys aımaqtarda ótkinshi jańbyr jaýyp, naızaǵaı oınaıdy, jel kúsheıedi. Elimizdiń soltústiginde jáne ońtústik-shyǵys taýlarynda qatty jańbyr jáne burshaq jaýady, daýyl turady. Al Saryarqa dalasynda jáne elimizdiń ońtústigindegi shóldi aýdandarda jaýyn-shashynsyz aýa raıy saqtalady», dep habarlady sınoptıkter.
Batys, ortalyq, ońtústik jáne ońtústik-shyǵysta kúndizgi ýaqytta aptap ystyq saqtalady.
Sonymen qatar mamandar 1 tamyzda eldiń ońtústik-shyǵysynda jekelegen aýdandarda +41° deıin aptap ystyq bolatynyn eskertti.