Úkimet «Qazgıdromet» RMK deregine súıenip, tamyz-qyrkúıekte ońtústik óńirlerde ádetten tys aptap ystyq bolatynyn eskerip, tabıǵı órtten saqtaný máselesin talqylady, dep jazady Egemen.kz.
Úkimet málimetinshe, bıyl respýblıka aýmaǵynda 161 orman órti tirkelgenin atap ótti. О́tken jylmen salystyrǵanda órt sany 4 esege azaıǵan. «О́rt sany aıtarlyqtaı tómendedi. Soǵan qaramastan tilsiz jaýdyń tabıǵı oshaqtary kún saıyn tirkelip jatyr. Máselen, Ile-Balqash rezervatynyń aýmaǵyndaǵy 2,5 myń gektar órtengen qamysty sóndirý jumystary 10 kúnge sozyldy. Jambyl oblysynyń Saryqopa jáne Lýgovoe orman sharýashylyqtarynda 1,8 gektar aýmaqty órt shaldy. Ýaqtyly júrgizilgen sharalardyń arqasynda bul órtter orman qoryna jaıylǵan joq jáne adamdar aman-esen», dedi Premer-mınıstr.
Oljas Bektenov Tótenshe jaǵdaılar mınıstrligine ekologııa mınıstrligimen jáne ákimdiktermen birlesip osy baǵyttaǵy profılaktıkalyq jumysty kúsheıtýdi tapsyrdy.