Qazaqstan kınooperatory Erkinbek Pitirálıev Instagram-paraqshasynda Amerıka kıno óneri jáne ǵylym akademııasyna múshelikke qabyldanǵanyn jazdy, dep habarlaıdy Egemen.kz.
Atalǵan akademııanyń múshesi bolǵan E.Pitirálıev uıym jyl saıyn tabystaıtyn «Oskar» syılyǵynyń laýreattaryna daýys bere alady.
«Bul - men úshin úlken qurmet jáne kıno álemine qosqan úlesimdi moıyndaý. Kınoındýstrııanyń eń úzdik ókilderin biriktiretin osyndaı bedeldi uıymnyń bir bóligi bolýdyń keremet múmkindigi týǵanyna rızamyn. Kıno óneriniń bolashaǵyn qalyptastyratyn mańyzdy sheshimder men daýys berýge qatysýdy asyǵa kútemin. Osy jolda maǵan qoldaý kórsetip, sengenderdiń barlyǵyna rahmet», dep jazdy kınooperator jelidegi paraqshasynda.