Almaty qalasy Medeý aýdanynyń №2 soty «Almaty tazalyq» ShJQ MKK dırektory A. Toqtasynov pen «Qala kórkeıtý» JShS jeke kompanııasynyń dırektory S. Baıjanov jemqorlyq faktisi boıynsha sottaldy, dep habarlaıdy Egemen.kz QR Sybaılas jemqorlyqqa qarsy is-qımyl agenttiginiń baspasóz qyzmetine silteme jasap.
Toqtasynov Almaty qalasynyń kósheleri men trotýarlaryn kútip ustaý boıynsha qosalqy merdigerlik qyzmetter sharttaryn jasasqany jáne oryndalǵan jumystar aktilerine qol qoıǵany úshin kásipkerden 2,7 mln teńge somasynda para alǵan.
«Sot úkimimen Toqtasynovqa 81 mln teńge somasynda aıyppul, Baıjanovqa – 3 jyl jáne 6 aı bas bostandyǵynan aıyrý jazasy taǵaıyndaldy. Sot aktisi zańdy kúshine engen joq», delingen Antıkor habaralmasynda.
Aıta keteıik, Konstıtýsııanyń 77-baby 3-tarmaǵynyń 1-tarmaqshasyna jáne Qylmystyq-prosestik kodekstiń 19-baby 1-bóligine sáıkes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deıin árbir adam kinásiz dep esepteledi.