Jazdyń sońǵy aıynda aptap ystyq bolady - sınoptıkter boljamy

«Qazgıdromet» RMK boljamyna sáıkes, tamyzda atmosferalyq fronttardyń ótýine baılanysty respýblıkamyzdyń basym bóliginde naızaǵaı oınap, jańbyr jaýady, jekelegen aýdandarda burshaq túsedi, ekpindi jel soǵady, nóser jańbyr jaýady. Aıdyń birinshi onkúndiginde aýa temperatýrasynda shamaly aýytqý boljanady:

respýblıkamyzdyń soltústiginde, ortalyǵynda túnde synap baǵany +13...+18°S-tan +17...+22°S-qa deıin, kúndiz +20...+25°S-tan +25...+30°S-qa deıin, óńirdiń ońtústiginde +35...+37°S-qa deıin; eldiń batysynda túnde +15...+20°S-tan +20...+25°S-qa deıin, kúndiz +28...+33°S-tan +36...+41°S-qa deıin; respýblıkamyzdyń ońtústiginde jáne ońtústik-shyǵysynda túnde +18...+23°S-tan +22...+27°S-qa deıin, kúndiz +29...+36°S-tan +35...+43°S-qa deıin; shyǵys óńirde túnde +12...+18°S-tan +15...+23°S-qa deıin, kúndiz +23...+30°S-tan +28...+35°S-qa deıin.

Tamyzdyń ekinshi jáne úshinshi onkúndiginde ystyq ári qurǵaq kúnder salqyn jáne jańbyrlyǵa almasady, keıde naızaǵaı oınap, burshaq jaýady.

Aýa temperatýrasy:

batys óńirlerde túnde: +10...+20°C, kúndiz: +20...+30°S, jekelegen kúnderi aýa temperatýrasynyń túnde: +20...+25°S, kúndiz: +35...+41°S deıin kóteriledi dep boljanady; elimizdiń soltústik óńirlerinde aýa temperatýrasy túnde: +13...+18°S-tan +5+10°S-qa deıin, kúndiz +28...+33°S-tan +15...+20°S-qa deıin tómendeıdi; elimizdiń ortalyǵy men shyǵysynda túnde: +13...+18-den +7...+12°S-qa deıin, kúndiz +24...+29°S-tan +19...+24°S-qa deıin, jekelegen kúnderi aýa temperatýrasynyń túnde +4...+9°S-qa deıin, kúndiz +16...+21°S-qa deıin tómendeıdi; respýblıkamyzdyń ońtústik-batysynda, ońtústik óńirlerinde aýa temperatýrasy túnde +15...+20°S-tan +9...+14°S-qa deıin, kúndiz +32...+37°S-tan +29...+34°S-qa deıin aýytqıdy.

Aıta keteıik, bir aıǵa arnalǵan aýa raıy boljamy jalpylama sıpatqa ıe, ol sınoptıkalyq jaǵdaıdyń ózgerýine qaraı túzetilip, aldaǵy onkúndikke arnalǵan aýa raıy boljamdarymen naqtylanady.