Ústel tennısinen Qazaqstan komandasynyń úzdigi Kırıll Gerasımenko Parıj Olımpıadasynyń shırek fınalynda qarsylasyna jol berdi, dep habarlaıdy Egemen.kz.
Ulttyq olımpıada komıtetiniń habarlaýynsha, Olımpıadanyń shırek fınalynda Gerasımenko Mysyr ókili Omar Assarmen kúsh synasty.
Alǵashqy eki sette Gerasımenko 11:8, 11:6 esebimen qarsylasyn ońaı jeńgen. Úshinshi kezeńdi mysyrlyq tennısshi ozyp ketken. Biraq otandasymyz esep aıyrmasyn qysqarta aldy. Alaıda, sol sette jeńis 12:10 esebimen qarsylas enshisinde qaldy.
Mysyrlyq sportshy keıin de belsendilik tanytyp, 12:10 jáne 11:9 esebimen jeńiske jetti. Osylaısha, 3:2 esebimen jalpy esepte alǵa shyqty.
Sheshýshi sette Gerasımenko tarazy basyn teńestire almady. Aqyry qarsylas tarap 4:2 esebimen jeńiske jetti.