2024 jyldyń tamyzynda el azamattarynyń ómirinde ne ózgeretinin Egemen.kz saıtynyń materıalynan oqyńyz.
Ýaqyt beldeýine qatysty ózgeris: sheshim qabyldanady
7 maýsymda ýaqytty aýystyrý týraly ótinish 50 myń qol jınady. Úkimet biryńǵaı ýaqyt beldeýin engizý qajettiligin baǵalaý úshin jumys tobyn qurdy. Jumys toby qujatty 40 jumys kúni ishinde taldap, qorytyndy shyǵarýy kerek. О́tinishti qaraý merzimi tamyzdyń basynda aıaqtalady.
Zeınetaqy jınaǵyn alý erejeleri ózgeredi
10 tamyzda zeınetaqy jınaǵyn alý qaǵıdalaryn ózgertý týraly jańartylǵan buıryq kúshine enedi. Densaýlyq saqtaý mınıstrligi zeınetaqy jınaǵyn paıdalaný erejelerinen Qazaqstan aýmaǵynda ornalasqan medısınalyq uıymdarda kórsetiletin stomatologııalyq qyzmetterdi (protez salý, ımplantasııa) alyp tastaýdy usynyp otyr.
Buıryq kúshine ense, 10 tamyzdan bastap azamattar osy stomatologııalyq qyzmetterge zeınetaqy jınaǵyn jumsaı almaıdy.
Jeke tulǵalardyń bankrottyq tártibi
25 tamyzdan bastap jeke tulǵalar úshin bankrottyq rásimi qoljetimdi bolady. Qostanaı oblysy boıynsha Memlekettik kirister departamenti (MKD) habarlaǵandaı, 19 maýsymda nesıe berýdegi táýekelderdi azaıtý jáne qaryz alýshylardyń quqyqtaryn qorǵaý máseleleri týraly zańǵa qol qoıyldy. Bul qujat «Azamattardyń tólem qabilettiligin jáne bankrottyǵyn qalpyna keltirý týraly» zańǵa ózgerister engizýdi kózdeıdi.
Avtobýs quny
Astanada avtobýstardyń jolaqysy qymbattaıdy. Elordada 1 tamyzdan bastap qoǵamdyq kólikte jol júrý quny 90 teńgeden 110 teńgege deıin ósedi.
Almatyda da avtobýs quny 120 teńgege deıin qymbattaıdy. Jańa tarıf tamyz aıynyń basynda kúshine enedi.
Sheteldikter Qazaqstanda ruqsatsyz jumys isteı alady
Qazaqstan jumysqa ruqsat alýdy talap etpeıtin sheteldikterdiń tizimin keńeıtti. Atap aıtqanda, otbasy músheleri men asyraýyndaǵy adamdardy qospaǵanda, tizim ınvestorlyq vıza alǵan tulǵalarmen tolyqtyryldy. Qaýly 2024 jylǵy 10 tamyzda kúshine enedi.
Astana vokzalyndaǵy avtoturaqtardyń tarıfteri
Astana vokzalyndaǵy avtoturaqtardyń tarıfteri 5 tamyzdan bastap elordada temirjol vokzalyndaǵy aqyly turaqtardyń jańa tarıfteri engiziledi. Avtoturaqta 2-6 saǵattan keıin qoldanylǵan saǵatyna 1000 teńgelik tosqaýyldyq tarıf joıyldy. Endi bir saǵattyq tarıf avtoturaqta ótkizgen árbir saǵaty úshin 200 teńge bolmaq.
Sýmen jabdyqtaýdyń jańa tarıfteri
1 tamyz ben 31 jeltoqsan aralyǵynda elordada jańa tarıfter qoldanylady. Endi astanalyqtar úshin aýyz sýdyń bir tekshe metriniń quny endi 79,77 teńge (QQS-syz) bolady.
Shekti ball jınaı almaǵandarǵa UBT ótedi
Testileý 10-15 tamyz aralyǵynda ótedi. Ǵylym jáne joǵary bilim mınıstrliginiń málimetinshe, Ulttyq testileý ortalyǵynyń saıtynda tirkelý múmkin bolady. Tirkelý kezinde testileýshiler emtıhan ótetin oryndy, kúni men ýaqytyn tańdaıdy.
Qazaqstan mektepterine ótinish qabyldaý aıaqtalady
Qazaqstanda mektep oqýshylaryn birinshi synypqa qabyldaý úshin qujat qabyldaý 31 tamyzǵa deıin jalǵasady. О́tinishter elektrondy formatta eGov.kz elektrondy úkimet portaly jáne e-Bilimal júıesi arqyly qabyldanady.
Sondaı-aq tehnıkalyq jáne kásiptik bilim berý uıymdaryna oqýǵa qabyldaý merzimi 25 tamyzda aıaqtalýyna baılanysty onynshy synyp oqýshylarynyń ótinishterin qabyldaý merzimi de 15 tamyzdan 31 tamyzǵa ózgertildi.
Kolledjderge qabyldaý kvotalary ózgertildi
Bilim mınıstri mindetin atqarýshynyń 2024 jylǵy 23 shildedegi buıryǵymen tehnıkalyq, kásiptik jáne orta bilimnen keıingi bilim berýdiń baǵdarlamalaryn iske asyratyn bilim berý uıymdaryna oqýǵa qabyldaý kvotasy ózgertildi.
Endi kvota:
birinshi nemese ekinshi toptaǵy múgedekter, bala kezinen múgedekter, múgedek balalar arasynan shyqqan azamattarǵa - 10 paıyz (1 paıyzdy qurady);
bala kezinen múgedek balalardy tárbıelep otyrǵan otbasy balalaryna, birinshi nemese ekinshi toptaǵy múgedekterge - 5 paıyz (1 p. qurady).
El azamattary qansha kún demalady?
Tamyzda Konstıtýsııa kúni atap ótiledi. Osyǵan oraı azamattardyń demalys kúnine taǵy bir kún qosylady. Bıyl 30 tamyz Konstıtýsııa kúni jumaǵa týra kelip tur. Osylaısha aptasyna bes kún jumys isteıtinder 30, 31 tamyz jáne 1 qyrkúıek kúnderi demalady. Al alty kún jumys isteıtinder 30 tamyzda demalyp, 31 tamyzda jumys isteıdi jáne 1 qyrkúıek jeksenbi bolýyna baılanysty qaıta demalady.
Aýa raıy
Sınoptıkter málimetinshe, tamyzda Qazaqstanda aýa temperatýrasy norma shamasynda, degenmen eldiń ońtústigi men ońtústik-shyǵysynda normadan 1 gradýs joǵary bolady dep kútiledi.
«Shilde men tamyzda kóptegen oblysta jaýyn-shashyn mólsheri norma shamasynda jáne normadan kóp, al tamyzda ortalyqta, ońtústikte jáne ońtústik-shyǵysta normadan az bolady dep boljanady», dep jazylǵan málimette.