Bura tartý – bokstyń sory

Aldymen bokstaǵy ba­ty­rashtyq áreket ja­ıynda. Ulttyq qu­ramanyń kapıtany Aslanbek Shym­­bergenovtiń (71 kg) alǵash­qy­ jekpe-jeginde-aq ıordanııa­lyq boksshyǵa ese jiberýi kóp jaıt­ty ańǵartady. Odan keıin asa aýyr salmaqtaǵy Qamshy­bek Qońqabaevtyń hám Mahmud Sabyrhannyń (57 kg) da birin­shi jekpe-jeginde ıspanııalyq qar­sylastarynan asa almaýy orasan syn. Qamshybek Qońqabaev 2019 jyly dál osy ıspan boks­shysy Aıýb Drıssıdi Reseıdiń Ekaterınbýrg qalasynda ótken álem chempıonatynyń ekinshi aınalymynda sulatyp túsirip, nokaýtpen jeńgen edi. Arada ót­ken bes jyl ishinde qarsylasy óziniń deńgeıin qalaı kóterge­nin áıgileı aldy. 92 kg salmaq dárejesinde jazǵy Olımpııa oıyndarynyń shırek fınalyna jetken Aıbek Oralbaıdy qany kýbalyq Ázerbaıjan ­boksshysy Domıngeske anyq ese jiberdi dep aıtqan artyq bolar. Jerlesimiz qarsylasyn qansha tyqsyrǵanymen de tóreshiler qarsylastyń upaıyn artyq jaz­dy. Basqany qaıdam, eń aldymen boksshy Muhamed­sabyr Bazarbaıulyna aýyr tıdi bul qysastyq. О́zi jazǵy Olımpııa oıyndarynyń joldamasyn sońǵy irikteýde ıelendi. El ishin­degi «ot pen sýdan ótkizgen» irikteýi taǵy bar. 63,5 kg salmaqta Olımpıada dýyna qosylǵan Muhamedsabyr Bazarbaı­uly­nyń obal-saýaby Olımpııa oıyndarynyń tóreshilerine. Boksshymyz irikteý kezeńin­degi eki jekpe-jegin de tamasha ótkerdi, talassyz jeńiske jet­ti. Al shırek fınalda grýzın Lasha Gýrýlıdiń qabaǵynan qa­nyn sorǵalata sabaǵan. Biraq tóre­shiler «túıeni de kórmestiń» ke­bin keltirdi. Qarsylasynyń qa­baǵyn jerlesimiz soqqysy­men emes, basymen qaǵyp jaryp jiberdi deıtinder de tabyldy. Biraq Muhamedsabyr qasaqana «múıizdese», rıngtegi referı jekpe-jekti áldeqashan toqtatar edi. Amal qansha, besinshi boks­shymyz jazǵy Olımpııa dodasyn orta joldan aıaqtady.

Álem chempıony, Afına Olım­pıadasynyń kúmis júl­degeri Gennadıı Golovkın bas­qa­ratyn Ulttyq olımpıada ko­mı­teti jerlesimizdiń jeńi­li­si­ne sebepker bolǵan tóreshi­ler­diń ústinen shaǵym túsirgenin málimdedi.

«Ulttyq olımpıada ko­mı­­teti Muhamedsabyr Ba­zar­­baı­ulynyń jekpe-jegine qa­­tysty shaǵym túsirdi. Biz tóre­shilerdiń sheshimimen kelis­peımiz jáne PBU-dan (Paris boxing Unit) túsiniktime talap ettik. Budan HOK ta habardar. Muhamedsabyr Bazarbaıuly 2024 jylǵy Olımpıadanyń jartylaı fınalyna joldama beretin mańyzdy kezdesýde jeńiske jetkeni talassyz edi. О́tken jekpe-jektiń nátı­jesin qaıta qaraý múmkin emes­tigin de túsinemiz. Alaıda biz iri halyqaralyq jarystaǵy tóre­lik ádil ári taza bolǵanyn qa­laımyz», dedi Qazaqstan UOK bas hatshysy Janar О́tesheva.

Ulttyq olımpıada – komı­tet buǵan deıin de boksshy­la­ry­myzdyń jekpe-jegine qazy­lyq etk­en tóreshilerdiń she­shi­mine na­razylyq tanytyp eskertý ja­saǵan edi. Osyndaı ádiletsizdik sal­tanat qurǵandyqtan da boks jaz­ǵy Olımpııa oıyndary­nyń baǵ­darlamasynan syzy­lyp qa­lýy múmkin degen kúmán­niń bul­ty qoıýlanyp kele jatqandaı.

Dzıýdo kúresinen dodaǵa qosylǵan Kámıla Berliqash ta (+78 kg) jazǵy Olımpııa oıyndaryn alǵashqy aınalymnan aıaqtady. Mońǵol balýany Adııasýren Amarsaıhanǵa ese jiberdi. Bul kúres túrinen Parıj jazǵy Olımpııa oıyndaryna 8 balýan (5 er, 3 áıel) barǵan-dy, buıyrǵan medal – 1 altyn, 1 qola. Sportshylary­myz endi komandalyq tartysqa túsedi.

100 metrge batterflıaı ádisimen júzýde otandasymyz Ádilbek Mýsın óz tobynda 5-oryn alǵanymen, jalpy nátıjede 29-satyǵa turaqtap, jar­tylaı fınaldyq kezeńge jetpedi. Ádilbek úshin de jazǵy Olımpııa oıyndary aıaqtaldy.

Akademııalyq eskek esýden Vladıslav Iаkovlev E tobynda qara úzip kelgenimen, jalpy eseptegi nátıjesinde 25-satyny mise tutty.