200 metr qashyqtyqqa júgirý saıysynda el atleti Olga Safronova ekinshi múmkindigin de múlt jiberdi, dep jazady Egemen.kz.
Olga Safronova qaıta júgirý kezinde 23.70 sekýnd ýaqyt kórsetkishimen márege eń sońǵy (altynshy) bolyp jetti.
Olımpıada erejesine saı bul kezeńde kósh bastaǵan jelaıaqtar ǵana júldege talasý jolyna qaıta qosyla alady.
Otandasymyz irikteý kezeńinde 200 metr qashyqtyqty 23,58 sekýndta júgirip ótip fınaldyq kezeńge tikeleı qatysý joldamasynan qaǵylǵan edi.
Aıta keteıik, Olga Safronova Parıj Olımpıadasynyń ashylý saltanatynda boksshy Aslanbek Shymbergenovpen birge tý ustap, el atletterin bastap shyqqan edi.