Taıaýda áıgili ESPN arnasy HHI ǵasyrdyń eń úzdik sportshylarynyń reıtıngin jarııalady. Bul tizimde AQSh júzýshisi Maıkl Felps jeke-dara kósh bastap tur.
Árıne, oǵan esh tańdanýǵa bolmaıdy. О́ziniń ataq-dańqy jaǵynan jer-jahanda Felpske teńesetin eshbir adam joq. 39 jastaǵy Baltımordyń juldyzy Olımpııa oıyndarynda 23 altyn, 3 kúmis jáne 2 qola medaldy oljalady. Barlyǵy – 28 júlde! Álem chempıonatynda 33 ret (26 altyn, 6 kúmis, 1 qola) jeńis tuǵyryna kóterildi. Bul tabysynyń barlyǵyna ol 2001-2016 jyldary qol jetkizdi.Ekinshi oryndy Serena Ýılıams ıelendi. «Úlken dýlyǵa» sanatyndaǵy týrnırlerde 23 ret top jarǵan 42 jastaǵy amerıkalyq tennısshiniń tórt dúrkin Olımpıada chempıony degen ataǵy taǵy bar. Úzdik úshtikti ataǵy jer jarǵan fýtbolshy, Argentınanyń shoq juldyzy Lıonel Messı túıindep tur. Sondaı-aq TOP-ondyqqa LeBron Djeıms (AQSh, basketbol), Tom Breıdı (AQSh, amerıkalyq fýtbol), Rodjer Federer (Shveısarııa, tennıs), Sımona Baılz (AQSh, kórkem gımnastıka), Taıger Výds (AQSh, golf), Ýseın Bolt (Iаmaıka, jeńil atletıka) jáne Kobe Braıant (AQSh, basketbol) syndy sańlaqtar enip otyr.
О́kinishke qaraı, TOP-100 sportshynyń qatarynan Qazaqstannyń birde-bir ókilin keziktire almadyq.