«Samuryq-Qazyna» qorynyń halyqtyq jobalary jalǵasady

Jobanyń bas demeýshisi – Qordaǵy kompanııalar tobynyń biryńǵaı qaıyrymdylyq operatory – «Samruk-Kazyna Trust» ókilderi elordadaǵy qorytyndy sharada jo­banyń ekinshi kezeńine qatysý baqyty buıyr­ǵan 200 balamen júzdesti. О́z kezeginde, áser­li sapardan oralǵan jas saıahatshylar tý­ǵan eliniń sulýlyǵyna, onyń tarıhyna boılap, qanyǵýǵa, dostar tabýǵa jáne jańa bilim alýǵa berilgen múmkindik úshin uıym­das­ty­rýshylar tara­pyna shyn júrekten alǵys­ bildirdi. Balalardyń teń jartysy Qordyń shal­ǵaı aýdandardaǵy óndiristik kásiporyn qyz­met­kerleriniń balalary bolsa, qalǵan bóligi sý tas­qyny­nan zardap shekken aýyldardaǵy kóp­bala­ly jáne turmysy tómen, tolyq emes otbasy­lardaǵy balalar. Sonymen qatar joba­nyń tárbıelik-mazmundyq jaǵyna Prezı­dent janyndaǵy Áıelder isteri jáne otba­sy­lyq-demografııalyq saıasat jónindegi ult­tyq komıssııa atsalysqanyn atap ótken abzal.

Saıahatqa eń kóbi Atyraý oblysynan – 93,Soltústik Qazaqstan oblysynan – 35, Batys Qazaqstan oblysynan – 35, Aqtóbe oblysynan – 40, Qostanaı oblysynan – 27, Aqmola oblysynan – 32, Qaraǵandy oblysynan – 20, Uly­taý oblysynan – 4, Mańǵystaý obly­synan – 21, Qyzylorda obly­synan – 9, Shyǵys Qazaqstan obly­sy men Abaı oblysynan – 28, Alma­ty oblysynan – 22, Túrkistan obly­synan – 10, Pavlodar oblysynan – 14, Jambyl oblysynan – 9, Shymkent qalasynan 1 bala qatysty.

«Kóptegen qyzyqty jerdi aralap, jańa nárselerge qanyqtyq. Elimizdiń tabıǵaty da, adam­dary da tamasha ekenine kózimiz jete tústi. Bala­lardyń kóbi aýyldarynan alǵash ret osyndaı saparǵa shyǵyp otyr. Sondyqtan sizder bala­lardyń armanyn oryndadyńyzdar», deıdi joba­ǵa Pavlodar oblysynan qatysqan Asanáli men Nuráli Ádilbek.

Sonymen qatar qatysýshylar «Taza Qazaq­stan» jalpyulttyq aksııasyna ún qosyp, sapar boıy ekologııalyq ómir saltyn qalyp­tastyrdy. О́zderi bolǵan qalalarda 200 kılodan astam turmys qaldyǵyn qaıta óńdeýge tapsyrdy. Ekologııa taqyrybynda sheberlik sharasy ótkizilip, mektep jasyndaǵy jas saıahatshylar qoqysty durys suryptaýdy, ári qaraı qalaı kádege jaratý kerektigin úırendi. Bul rette vagondarǵa turmys qaldyǵy túr­le­rine baılanysty ­arnaıy konteınerler orna­tyldy.

35 myń aýyl turǵyny tegin medısınalyq-quqyqtyq kómek aldy

Búginde Qor qoldaýymen naǵyz ha­lyqtyq joba – «Salamatty Qazaqstan» medısınalyq po­ıy­zy Mańǵystaý, Atyraý, Aqtóbe, Batys Qa­zaq­stan men Qostanaı oblystarynyń shal­ǵaı­daǵy turǵyndaryna sharapatyn tıgizdi. Qa­zirgi tań­da poıyz ujymy saparyn Aqmola jáne Sol­­­tús­tik Qazaqstan óńirlerinde jalǵastyryp jatyr.

34 331 azamatty (onyń ishinde 10 051 bala) aqysyz medısınalyq qyzmetpen qamtyǵan dárigerler eńbeginen tys, medıa­tor men zańger 1 811 aryzdy qarasty­ryp, jergilikti azamattardyń quqyq­tyq, eńbek kıkiljińderin sheshýge kúsh saldy. Máselen, SQO-da poıyzdaǵy áıelder dárigerine júgingen 18 jastaǵy qyz balany ýltradybystyq tekserý barysynda jatyrdyń bolmaýyna baılanysty sırek kezdesetin dıagnoz qoıylyp, naýqasqa qosymsha qa­ra­lýǵa keńes berildi. Bul rette qu­ramdaǵy aq halattylar bar­lyq názik jandy densaýlyǵyna jaýap­kershilik tanytyp, josparly tek­seristerden ýaqtyly ótýge shaqy­rady. Aqkól stansasynda poıyz zańgerleri úı qujattary boıyn­sha basynda daý týyndaǵan tur­ǵynǵa sotqa menshik quqyǵyn rá­sim­deý jóninde aryz jazýǵa, bar­lyq qajetti qujatyn retteýge kómektesti.

Sondaı-aq Mádenıet jáne aqparat mı­nıstr­­liginiń qoldaýy­men iri stansalarda qaıy­rym­­dy­lyq konserti ótip jatyr. Osyǵan deıin res­pýb­lıkalyq deńgeıdegi ártisterdiń óner kór­setýimen konsertter Aqmola men Qostanaı ob­lys­tarynda uıymdastyryldy.

Shekaralas aýdandarǵa demeý

Shyǵys Qazaqstan oblysy­nyń Katon­qa­raǵaı men Zaısan aýdandarynda Qor qol­daýymen eki birdeı sport alańy qoldanysqa be­rildi. Áleýmettik jobanyń buqaralyq sport­ty damytýdan bólek, strategııalyq jáne ıdeo­l­ogııalyq mańyzy zor.

Aýdandarda alǵash ret boı kótergen sport alańdaryn halyq kópten kútti. Endi atalǵan nysandarda 20 myńnan asa turǵyn salamatty ómir saltyn ustanyp, túrli týrnır ótkizýge múmkindik alyp otyr.

Alańdardyń árbiriniń jalpy aýmaǵy 1,6 myń sharshy metrdi quraıdy. Onda jasandy kógalmen kómkerilgen aýmaǵy uzyndyǵy – 40, eni 20 metr bolatyn fýtbol jáne uzyndyǵy – 24, eni 16 metr bolatyn basketbol alańdary, tolyq­taı qurylǵylarmen qamtylǵan vorkaýt aı­maǵy bar. Alańnyń jan-jaǵy qorshalyp, abat­tandyrylady. Aıta keteıik, ashylýdan soń shaǵyn fýtboldan týrnır ótti. Igilikti iske muryndyq bolyp kelgen Májilis depý­ta­ty Erlan Saırov pen Qazaqstan fýtbol federasııasynyń prezıdenti Ádilet Bar­men­qulov «Samuryq-Qazyna» AQ kompanııalar toby­nyń bastamasyna joǵary baǵa berdi.

«Shekaralas aımaqtardyń ınfra­­qu­ry­ly­myn damytý ma­ńyz­dy. El bolashaǵy jas­tar­dyń boıynda memlekettik, ulttyq rýhty qalyptastyrýymyz kerek. Sonyń bir tetigi – sportqa baýlý. Búginde «Samruk-Kazyna Trust» qory eki aýdanǵa birdeı sport alańdaryn salyp berip otyr», atap ótti Erlan Saırov.

«Samruk-Kazyna Trust» KQ baspasóz ortalyǵy