ASTANA. 12 maýsym. Elbasy Qazaqstan Respýblıkasynyń eńbek sińirgen qaıratkeri, sýretshi Kámil Mýllashevti qabyldady. Bul týraly akorda.kz habarlady.
Kezdesý barysynda Qazaqstan mádenıetiniń, atap aıtqanda, beıneleý óneriniń qazirgi ahýaly men keleshegi talqylandy.
Memleket basshysy otandyq sýret ónerin damytýǵa qosqan Kámil Mýllashevtiń eleýli úlesine toqtaldy. Nursultan Nazarbaev atap kórsetkendeı, sýretshiniń týyndylary Qazaqstanda ǵana emes, taıaý jáne alys shetelderdiń kórmelerine de qoıylǵan.
Qazaqstan Prezıdenti eldiń dástúrli mádenı jáne rýhanı qundylyqtaryn saqtaý men budan ári tanymal etý qajettigine nazar aýdardy.
Kámil Mýllashev óz kezeginde Memleket basshysyna mádenıet pen ónerdi damytý máselelerine udaıy qamqorlyq pen jan-jaqty qoldaý kórsetip kele jatqany úshin alǵys aıtyp, shyǵarmashylyq josparlary jóninde áńgimeledi.
Elaman Qońyr.
Derek, sýret: akorda.kz.