Qazaqstan Prezıdenti Qasym-Jomart Toqaev Japonııa Premer-mınıstri Fýmıo Kıshıdamen telefon arqyly sóılesti, dep habarlaıdy Egemen.kz.
Qasym-Jomart Toqaev Japonııada bolǵan jer silkinisine baılanysty japon halqyna sabyr tilep, tabıǵat apatynyń saldary aýyr bolmaıdy dep úmittenetinin aıtty.
О́z kezeginde Fýmıo Kıshıda Qazaqstanǵa resmı saparyn, sonyń ishinde «Ortalyq Azııa + Japonııa» Dıalogynyń birinshi sammıtine qatysýyn amalsyzdan keıinge shegergenin ókinishpen jetkizdi.
Áńgimelesý barysynda Qasym-Jomart Toqaev pen Fýmıo Kıshıda qazaq-japon qatynastarynyń qazirgi jaı-kúıi men damý perspektıvasyn talqylap, óńiraralyq yqpaldastyq máseleleri jóninde pikir almasty.