Sınoptıkter 12 tamyzda Qazaqstan aýmaǵynda bolatyn sınoptıkalyq jaǵdaı men qaýipti aýa raıy qubylysynyń boljamyn jarııalady, dep habarlaıdy Egemen.kz.
Olardyń málimetinshe, Qazaqstan Respýblıkasy aýmaǵynyń basym bóliginde atmosferalyq frontaldy ýchaskelerde turaqsyz aýa raıy saqtalady: naızaǵaı oınap, burshaq jaýýy múmkin. Respýblıkanyń tek ońtústiginde jaýyn-shashynsyz aýa raıy kútiledi.
Respýblıka boıynsha jel kúsheıedi, ońtústikte shańdy daýyl soǵady, túnde jáne tańerteń soltústik-batysta, shyǵysta, soltústikte tuman túsedi. Atyraý oblysynda, Abaı aýdanynda, shyǵysynda Ulytaý jáne Jetisý oblystarynyń, batysynda, shyǵysynda Qaraǵandy oblysynyń, ońtústiginde, shyǵysynda, Batys Qazaqstan ortalyǵynda, Shyǵys Qazaqstannyń ortalyǵynda, Mańǵystaýdyń batysynda, Almaty oblystarynyń ońtústik jartysynda joǵary órt qaýpi kútiledi.
Mańǵystaý, Qyzylorda, Túrkistan, Almaty, Jambyl oblystarynda, Ulytaý jáne Jetisý oblystarynda, Aqtóbeniń ońtústiginde, ońtústik-batysta, Atyraýdyń ońtústiginde, Qostanaıdyń ońtústiginde, Shyǵys Qazaqstan, Qaraǵandy oblystarynda, batysta, Abaı oblysynyń soltústik-batysynda, ońtústiginde óte joǵary órt qaýpi saqtalady.