Ulttyq olımpıadalyq komıtet Parıj Olımpıadasynyń júldesine qol sozym qalǵanda oıynnan shyǵyp qalǵan el sportshylarynyń ondyǵyn usyndy, dep jazady Egemen.kz.
Dzıýdodan áıelder arasyndaǵy básekede Abıba Ábýjaqynova qola medal úshin ótken synda shvesııalyq Tara Babýlfattan jeńilip, jarysty besinshi orynmen aıaqtady.
Gımnast Mılad Karımı de besinshi orynnan kórindi. Ol erkin jattyǵýdan Olımpıadanyń fınalynda baq synap jattyǵýy úshin 14.500 upaımen alǵashqy bestikke endi.
Sporttyq quzǵa órmeleý sheberi Ámir Maımuratov Jyldamdyq boıynsha synǵa túsken ol Olımpıadanyń shırek fınalyna jetip, jazǵy oıyndardan besinshi oryn aldy.
Nysana kózdeý sheberi Aleksandra Le alǵashqy ondyqqa kirdi. Ol pnevmatıkalyq vıntovkamen 10 metrge nysana kózdeýden fınalǵa shyǵyp, jalpy esepte altynshy orynnan kórindi. Aıta ketelik, Aleksandranyń enshisinde aralas komandalyq syndaǵy qola medal bar.
Olımpıadaǵa alǵash ret qatysqan Danıl Musabaev batýttaǵy gımnastıkadan fınalǵa bir qadam qalǵanda toqtady. Ol birinshi irikteýden soń 8-orynnan kóringen. Alaıda ekinshi irikteýde toǵyzynshy orynǵa túsip qaldy. Fınalǵa alǵashqy segizdik joldama aldy.
3000 metrge kedergiler arqyly júgirýden Qazaqstan namysyn Nora Djerýto qorǵady. Ol jarysta 9-oryn ıelendi. Qazaqstanǵa álem chempıonatynyń altynyn syılaǵan sportshy jaqynda ǵana dekrettik demalystan oralǵan.
Shpagamen semserlesýden Qazaqstan komandasy Olımpıadada alǵashqy altylyqqa endi.
Sonymen qatar shpagamen semserlesýden jekeleı synda Rýslan Kýrbanov altynshy oryn aldy.
Sadaq atýdan komandalyq jarysta Ilfat Abdýllın, Aleksandr Eremenko jáne Dáýletkeldi Jańbyrbaı 1/8 aınalymǵa jetip, Italııadan bir upaı aıyrmasymen jeńildi. Jalpy esepte 9-orynǵa taban tiredi.
Breıkıngten Amır Zakırov segizinshi oryn aldy. Ol toptyq syndaǵy eki battlda jeńiske jetip, shırek fınalǵa joldama alǵan. Alaıda amerıkalyq VICTOR-dan utylyp, jartylaı fınalǵa óte almady.
Kırıll Gerasımenko ústel tennısinne 1/8 fınalǵa jetti. Úsh Olımpıadaǵa qatysqan sportshymyz bul joly tarıhı nátıje tirkedi.
Bokstan Qazaqstan komandasynyń músheleri de alǵashqy ondyqqa kirdi. Nurbek Oralbaı kúmis medal alsa, Sáken Bıbosynov (51 keli), Muhammedsabyr Bazarbaıuly (63,5 keli) jáne Aıbek Oralbaı (92 keli) besinshi oryn ıelendi. Mahmud Sabyrhan (57 keli) men Qamshybek Qońqabaev (92 keli) toǵyzynshy orynda.
Grek-rım kúresiniń sheberleri Nursultan Tursynov (87 keli) pen Álimhan Syzdyqov (130 keli) tıisinshe jetinshi jáne segizinshi oryn aldy. Erkin kúres sheberi Álisher Erǵalı (97 keli) da jetinshi orynda.