Energetıka mınıstrligi elektr energııasyna jańa shekti tarıfterdi bekitýdi usynady. Tıisti buıryqtyń jobasy «Ashyq zańdy tulǵalar» portalynda jarııalanǵan, dep habarlaıdy Egemen.kz.
Vedomstvoda túsindirilgendeı, túzetý energııa óndirýshi uıymdarǵa táýelsiz elektr energııasyn óndirýge arnalǵan bazalyq shyǵyndardyń, atap aıtqanda, otynǵa (onyń ishinde gazǵa jáne ony tasymaldaýǵa, baǵanyń 2024 jylǵy 1 shildeden bastap ósýine), jalaqyǵa jáne jóndeý jumystaryna arnalǵan shyǵyndardyń ulǵaıýymen baılanysty.
Elektr energııasyn satatyn energııa óndirýshi uıymdardyń kelesi toptary úshin 2024-2025 jyldarǵa arnalǵan jańa shekti tarıfterdi belgileý usynylady:
B.Nurjanov atyndaǵy Ekibastuz GRES-1 JShS – saǵatyna kılovatt úshin 8,27 teńge (2024-2025 jyldarǵa qoldanystaǵy tarıf saǵatyna kılovatt úshin 8,05 teńge);«Eýro-Azııa energetıkalyq korporasııasy» AQ – 7,98 (7,4);«Astana-Energııa» AQ – 9,28 (8,49);«Qazaqstan alıýmınııi» AQ – 7,87 (6,05);«Stepnogorsk JEO» JShS – 28,97 (22,58);«Jańajolskaıa GTES» JShS – 11,85 (11,44);«Z-Energoortalyq» AQ – 15.09 (13.79);«TNK «Qazhrom» AQ – 10,67 (7,59);
Qujat jobasy 2024 jyldyń 23 tamyzyna deıin qoǵamdyq talqylaýǵa usynyldy. Al buıryq qabyldansa, bıylǵy jyldyń 1 qyrkúıeginen bastap qoldanysqa engiziledi.