Parıjde eki dúrkin Olımpıada chempıony atanǵan О́zbekstan boksshysy Bahodır Jalolov áýesqoı bokstan ketetinin málim etti, dep habarlaıdy Egemen.kz
«Men ómirimniń 15 jylyn áýesqoı boksqa arnadym. Ár nárseniń bastalýy sııaqty sońy da bar. Bul kún de keldi. Bul uzaq jolda kóp syn men sóz aıtyldy. Bárinen durys qorytyndy jasap, kúsh jınadym. Eshqashan áýesqoı boksta aqsha úshin kúrespedim. Olımpıadada óz elimniń týyn joǵary kóterip, altyn medalin jeńip alýǵa tyrystym. Bizdiń qolymyzdan keldi. Osy jolda meni qoldaǵandarǵa, meniń anama jáne meniń barlyq jattyqtyrýshylaryma alǵys aıtqym keledi. Endi meniń maqsatym - kásibı boksta eń myqty bolý. Meniń oıymsha, bul joldy da sizdermen birge ótemiz. Men sizderdi qatty jaqsy kóremin», dep jazdy Bahodır Jalolov instagram-daǵy paraqshasynda.
Endi Bahodır Jalolov kásipqoı boksta baq synaıdy.
Eske sala keteıik, Bahodır Jalolov Parıjde 92 kg joǵary salmaqtaǵy boks básekesiniń fınalynda ıspanııalyq Aııýb Gadfany tóreshilerdiń biraýyzdan qabyldaǵan sheshimimen jeńiske jetti. Osylaısha ol eki dúrkin Olımpıada chempıony atandy.