Soltústik Qazaqstan oblysy Taıynsha aýdanynda 59 jastaǵy er adam qart anasyn ólimshi etip sabap tastady, dep habarlaıdy Egemen.kz Petropavlovsk.news-ke silteme jasap.
Jaǵa ustatarlyq qylmys keıýananyń týǵan kúninde bolǵan, ol 82 jasqa tolǵan edi.
Belgili bolǵandaı, bul otbasynda qol kóterý jaǵdaılary birneshe ret qaıtalanǵan. Er adam anasyna únemi qol jumsap otyrǵan. Biraq áıel ulyn keshirip, ol eskertý alǵannan keıin nemese 15-20 táýlikke qamaýǵa alynǵan soń bosatylǵan.
Bul joly kúdiktige qatysty «Adam óltirý» baby boıynsha qylmystyq is qozǵaldy. Kúdikti 8 jyldan 15 jylǵa deıin bas bostandyǵynan aıyrylýy múmkin.
«Taıynsha aýdanynda 82 jastaǵy áıeldi óltirdi degen kúdikpen 59 jastaǵy er adam ustalyp, ýaqytsha ustaý ızolıatoryna qamaýǵa alyndy. Qazirgi ýaqytta sotqa deıingi tergeý amaldary júrgizilýde. Saraptamalar taǵaıyndaldy», — dep málimdedi polısııa departamentiniń baspasóz hatshysy Mádına Erǵalıeva.