Jańa oqý jylynda elimizdiń kolledjderinde memlekettik bilim berý tapsyrysynyń kólemi 145 myń orynǵa deıin artty. Bul ótken jylmen salystyrǵanda 12 myń orynǵa kóp. Osylaısha, stýdentterdi suranysqa ıe mamandyqtar boıynsha tegin tehnıkalyq jáne kásiptik bilimmen qamtý 90%-dy qurady, dep habarlaıdy Egemen.kz.
«Memleket basshysynyń tapsyrmasy boıynsha memlekettik tapsyrystyń 65% mashına jasaý, kólik, energetıka, IT, qurylys jáne ınjenerııa sekildi tehnıkalyq mamandyqtarǵa baǵyttalǵan. 2025 jylǵa qaraı bul kórsetkish 70%-ǵa, al memlekettik tapsyrys kólemi 100%-ǵa deıin ósedi», delingen Oqý-aǵartý mınıstrliginiń baspasóz qyzmeti taratqan aqparatta.Sondaı-aq kolledjderge talapkerlerdi kásiporyndardyń ótinimderi boıynsha jumysqa ornalastyrý mindettemesimen qabyldaý jalǵasyp jatyr. Ol boıynsha jyl saıyn 10 myń talapker qabyldanady. Bul kadrlardy eńbek naryǵynyń talabyna sáıkes daıyndaýǵa múmkindik beredi.
Qazirgi ýaqytta 518 kásiporyn 410 kolledjdiń túlekterin praktıkalyq daıarlaýǵa, jumysqa ornalastyrýdy qamtamasyz ete otyryp, dýaldy oqytýǵa jáne sheftik qamqorlyq kórsetýge qatysyp jatyr.