Búgin Úkimette otandyq taýar óndirýshilerdi qoldaý sharalary talqylandy. Jıynda Premer-mınıstr ishki naryqty qorǵaý úshin otandyq taýar óndirýshilerdiń tizimi jasalatynyn aıtty, dep jazady Egemen.kz.
Tizimge engen ónidiris oryndary memleketten qoldaýdy basym tártipte alý múmkindigin ıelenedi. Oljas Bektenov otandyq ónim kólemin arttyrýdy kózdeıtin tizimge naqty nátıjesi bar kompanııalardy kiriktirýdi basa aıtty.
«Tizilimge ónim shyǵaryp otyrǵan, óndiristik qýattary jeterlik, ári qaraı damý úshin áleýeti men josparlary bar naqty kásiporyndardyń ǵana enýi óte mańyzdy. Tizilimge engen kásiporyndar memlekettik qoldaý sharalaryn basym tártippen alatyn bolady», dedi Oljas Bektenov.
Tizimnen tabylǵan óndiris oryndaryna aıqyn talaptar qoıylmaq. Bul qatarda óndiristi jańǵyrtý, eńbek ónimdiligi men básekege qabilettilikti arttyrý, jalaqyny ósirý boıynsha qarsy mindettemeleri bar.
Kásiporyndar qyzmetine monıtorıng sıfrlyq skrınıng negizinde júrgiziledi. Úkimettiń baspasóz qyzmeti osylaısha tapsyrmany júzege asyrý barysynda sybaılas jemqorlyq táýekelderine jol berilmeıtinin málim etti.