Mańǵystaý oblysynyń bilim basqarmasy bilim berý uıymdarynda qyzmet etetin qyzmetkerlerdiń dıplomdaryna monıtorıng júrgizgen. Nátıjesinde 60 muǵalimniń jyldar boıy jalǵan dıplommen jumys istegeni anyqtaldy, dep habarlaıdy Egemen.kz.
Oblystyq bilim basqarmasynyń habarlaýynsha, olardyń barlyǵy qyzmetterinen bosatylǵan.
«Oblystaǵy muǵalimderdiń dıplomyn anyqtaý úshin joǵary oqý oryndary men tehnıkalyq jáne kásiptik bilim berý uıymdaryna suranys jiberildi. Bul rette ustazdardyń jumys istegen ýaqytyndaǵy qarjyny memlekettik bıýdjetke qaıtarý týraly sot organdaryna shaǵym jiberildi. Bul baǵyttaǵy jumystar jalǵasyp jatyr», dep habarlady Mańǵystaý oblysynyń bilim basqarmasy.