Áleýmettik jelilerde búkil planetany qamtıtyn kúshti jer silkinisteri týraly habarlamalar tarady. Tótenshe jaǵdaılar mınıstrliginiń Seısmologııa ınstıtýty bul qaýesetterge túsinikteme berip, azamattardy tek resmı aqparatqa senýge shaqyrdy, dep habarlaıdy Egemen.kz Stopfake.kz saıtyna silteme jasap.
«Seısmologııa ınstıtýtynyń baspasóz qyzmeti halyqaralyq seısmologııalyq ortalyqtardyń málimeti boıynsha 16 tamyzda Qazaqstan aýmaǵynda magnıtýdasy 5,5-ten asatyn kúshti jer silkinisiniń boljamy joq dep málimdedi. Barlyq tirkelgen seısmıkalyq oqıǵalar jedel túrde «112 KZ» Telegram-arnasy jáne seismology.kz saıty sııaqty resmı resýrstarda jarııalanady», delingen habarlamada.
Qazaqstandyq seısmologtar el azamattaryn úreılenbeýge jáne senimdi aqparat kózderinen alynǵan málimetterdi tekserýge shaqyrdy.
Sondaı-aq bul qaýeset aqparat reseılik saıasatker Vladımır Jırınovskııdiń muraǵatynan tabylǵany anyqtaldy.