Elimizdiń Aýyl sharýashylyǵy mınıstrligi birinshi kezektegi is-qımyldar josparynda bekitilgen negizgi kórsetkishterge qol jetkizý boıynsha naqty sharalar qabyldaýdy jalǵastyrý ústinde. Osylaısha, mınıstrlik aýyl sharýashylyǵy jalpy óniminiń naqty kólem ındeksin 111,6%-ǵa deıin, tamaq ónimderin óndirýdi 105%-ǵa deıin, sýsyndardy óndirýdi 109%-ǵa deıin ulǵaıtýdy josparlap otyr.
Bıyl 7 aıda aýyl sharýashylyǵy jalpy óniminiń kólemi 3,7%-ǵa ulǵaıyp, 2,1 trln teńgeni qurady. Bul rette, mal sharýashylyǵy jalpy óniminiń naqty kólem ındeksi 103,7%-ǵa jetti jáne mal sharýashylyǵy ónimin óndirý kólemi 1,7 trln teńgeni, ósimdik sharýashylyǵynyń naqty kólem ındeksi 104%-dy qurap, ónim óndirý kólemi 402,9 mlrd teńge boldy.
Josparlanǵan kórsetkishke qol jetkizý egin jınaý jumystary aıaqtalǵannan keıin ekinshi jartyjyldyqta qamtamasyz etiledi dep kútilýde, óıtkeni ósimdik sharýashylyǵy ónimderin óndirý jalpy ónimniń jartysynan kóbin alady.
Mınıstrlik alǵa qoıylǵan maqsattarǵa jetý úshin barlyq qajetti sharalardy qabyldap keledi. Máselen, kóktemgi egis jumystaryn jeńildetilgen nesıeleý úshin qarastyrylǵan 580 mlrd teńgeniń 342,6 mlrd teńgesi ıgerildi. Qazirgi ýaqytta qosymsha 20,4 mlrd teńgeniń ótinimderi qarastyrylýda, egin jınaý jumystaryna ótinimder jınaý jalǵasý ústinde.
Soltústik Qazaqstan, Qostanaı, Pavlodar, Shyǵys Qazaqstan, Qyzylorda jáne Aqmola oblystary ÁKK arqyly jeńildikti kredıtteý boıynsha belsendi jumys atqaryp otyr. Bul óńirlerge osy maqsattar úshin 75 mlrd teńge qarastyrý kózdelgen. «QazAgroQarjy» arqyly aýyl sharýashylyǵy tehnıkasynyń jeńildetilgen lızıngi boıynsha 62,7 mlrd teńge somasyna 2 298 birlik aýyl sharýashylyǵy tehnıkasyna sharttar jasaldy.
Bıylǵy 7 aıda azyq-túlik óndirisi 0,4%-ǵa artyp, 1,8 trln teńgeni qurady. Irimshik pen súzbe óndirisiniń 13,5%-ǵa, óńdelgen kúrishtiń 14,2%-ǵa, ósimdik maıynyń 9,8%-ǵa, ashytylǵan sút ónimderiniń 5%-ǵa óskenin erekshe atap ótken jón.
Josparlanǵan ındıkatorlarǵa qol jetkizý úshin bıyl 50,9 mlrd teńge somasyna 79 ınvestısııalyq joba iske asyryldy. Onyń ishinde aýyl sharýashylyǵy ónimderin qaıta óńdeý boıynsha – 8,8 mlrd teńge somasyna 14 joba, mal sharýashylyǵyna – 4,9 mlrd teńgege 11 joba, ósimdik sharýashylyǵyna – 14,9 mlrd teńgege 36 joba, qus fabrıkasyna – 6,7 mlrd teńgege 4 joba, taýarly-sút fermalary – 11,5 mlrd teńgege 5 joba jáne budan basqa da birshama josparlar qarastyrylǵan.
Otandyq óndirýshilerdi qoldaý maqsatynda aýyl sharýashylyǵy ónimderin qaıta óńdeýdi damytýdyń 2028 jylǵa deıingi Keshendi jospary ázirlendi. Ony iske asyrý úshin respýblıkalyq bıýdjetten 372 mlrd teńge mólsherinde qosymsha qarajat bólýdi talap etedi.
Jalpy alǵanda, qabyldanyp jatqan aýqymdy is-sharalar aýyl sharýashylyǵynyń jalpy ónimin 11,6% deńgeıinde ulǵaıtýǵa múmkindik berip otyr dep senimdi túrde aıta alamyz.