TARAZ. 12 maýsym. Búgin Tarazda voleıboldan álemdik lıganyń oıyndary bastaldy. Atalǵan saıysqa Qazaqstan qurmasy da qatysýda. Bul týraly egemen.kz tilshisi habarlady.
Erler arasynda ótetin dúbirli jarys jyl saıyn uıymdastyrylyp keledi. «N» tobynda oınaıtyn Qazaqstan Venesýela, Egıpet jáne Ispanııa quramalarymen kúsh synasady. «Taraz Arena» sport saraıynda ótetin jarys 14 maýsymǵa deıin jalǵasady.
Jarys aldynda komandalardyń bas jattyqtyrýshylary men kapıtandary baspasóz máslıhatyn ótkizdi. Onda Qazaqstan quramasynyń bas jattyqtyrýshysy Andreı Patrakov keıbir myqty oıynshylarymyzdyń dodaǵa qatysa almaıtynyn aıtty. Olardyń ornyn jas oıynshylar basqan. Al quramanyń kapıtany Aleksandr Stolnıkov jeńiske jetý úshin bar kúsh-jigerlerin salatynyn jetkizdi. Sondaı-aq, Venesýela jáne Ispanııa komandalarynyń bas jattyqtyrýshylary Nachchı Vınchenso men Fernando Benıtes Mýnoster de bul básekede aıanyp qalmaıtyndaryn aıtty.
Qazaqstan alǵashqy oıynyn búgin saǵat 18:30-da Venesýela komandsyna qarsy ótkizedi. Erteń Egıpetpen kúsh synassa, sońǵy jarys kúninde Ispanııaǵa qarsy ter tógedi. Bul eki kezdesý de jergilikti ýaqyt boıynsh saǵat 18:30 bastalatynyn aıta keteıik.
Oralhan Dáýit.
Derek, sýret: egemen.kz.