Qazaqstan boks federasııasynyń vıse-prezıdenti Muhtarhan Dildábekov ulttyq quramanyń jańa bas bapkeri Qaırat Sátjanovqa qandaı talap qoıylǵanyn aıtty, dep jazady Egemen.kz.
Muhtarhan Dildábekovtiń aıtýynsha, Qaırat Sátjanov aldaǵy olımpıadalyq sıklge utymdy jospar usynǵan. Dese de federasııa bas bapkerge naqty talap qoıǵan.
«Parıj Olımpıadasynyń qorytyndysy boıynsha bas bapkerdi aýystyrǵanymyzdy bilesizder. Oǵan qoıylǵan negizgi talaptardyń biri - komandada jeke shákirtiniń bolmaýy.
Sondaı-aq sheteldik mamandarmen jumys istep, jasóspirim jáne jastar komandalaryna birdeı kóńil bólýdi josparlap otyrmyz», dedi Muhtarhan Dildábekov.
Bas bapkerdi taǵaıyndarda onyń jetekshiligimen 2021 jyly Serbııada ótken álem chempıonatynda úzdik nátıje kórsetkeni de eskerilgen.
Buǵan deıin bokstan Qazaqstan erler quramasyn baptaǵan 10 adam jumystan shettetilgenin jáne jańa bas bapker retinde Qaırat Sátjanov taǵaıyndalǵanyn habarlaǵan edik.