О́SKEMEN. 23 qańtar. Jańa jyldan bastap kúshine engen jańa Ákimshilik kodekstegi ózgeristerge qaraı, kóshe saýdasy úshin salynatyn aıyppul kólemi ósti. Bul týraly egemen.kz tilshisi habarlady.
«Kodekstegi 204-bapqa sáıkes, belgilenbegen jerde saýda jasaǵany úshin azamattarǵa 5 AEK, ıaǵnı 9 910 teńge aıyppul salynady. Qaıtara zań buzǵany úshin aıyppul kólemi 10 AEK-ke deıin ósedi, – deıdi bul jóninde О́skemen qalalyq tabıǵat qorǵaý polısııasynyń bastyǵy, polısııa maıory Darhan Aıtqazın. – Eger aıyppul 7 kún ishinde tólense, onyń 50 paıyzyn ǵana tóleýge bolady».
Qazirgi kezde qala ákimdigi, qoǵam ókilderi jáne polısııa qyzmetkerlerinen turatyn arnaıy top kóshe saýdasy qalyptasqan oryndardy kúndelikti tekserýde. Olar zańsyz saýda oryndarynda túsindirme jumystaryn júrgizip, kelispegenderge aıyppul da salýda. Jyl basynan beri júrgizilgen reıdter barysynda 20 hattama toltyrylypty. Aıyppul tólenbese, azamattardyń isi sot oryndaýshylaryna beriledi. Saýdagerlerdiń kópshiligi atalǵan toptardy kórgende, turǵan ornynan jylystaı jóneledi. Tapjylmaıtyndar da bar. Olardyń ýáji – bazardan oryn berilmeıdi, balalardy asyraý kerek.
«Bazarda oryn berilmeıdi degen beker sóz. Biz bazar basshysymen sóılestik. Olarǵa jurt jıi júretin osyndaı jerde saýda jasaǵan yńǵaıly», – deıdi qalalyq ákimdiktiń is basqarý №7 fılıalynyń dırektory Tatıana Fılonova.
Búginde óskemendikter arasynda kóshe saýdagerlerinen taýar almaý, olardyń isin jyljytýǵa uıytqy bolmaý jóninde, kóshe saýdagerleriniń óz taýary úshin jaýapkershilik arqalamaıtyny týraly úgit-nasıhat jumystary júrgizilýde.
Dýman Anash.
Derek: egemen.kz.
Sýret: О́skemen qalasy ákiminiń baspasóz qyzmeti.