Búgin AQSh-tyń Plant-Sıtı qalasynda kásipqoı boksshy Ivan Dychko kezekti jekpe-jegin ótikzdi, dep jazady Egemen.kz.
ProBox shoýy aıasynda ótken kezdesý 8 raýndqa josparlanǵan edi. Alaıda asa aýyr salmaqtaǵy otandasymyz Ivan Dychko (14-0, 13 KO) amerıkalyq Kreıg Lıýısti (15-8-1, 8 KO) ekinshi raýndta nokaýtqa jiberdi.
Ekinshi raýndtyń ortasynda Ivan Dychkonyń joıqyn soqqysynan keıin Kreıg Lıýıs nokdaýn alǵanmen tóreshi jekpe-jekti jalǵastyrýǵa ruqsat berdi. Raýnd sońynda Dychko dittegenine jetti.
Aıta keteıik, Ivan Dychko Olımpıada oıyndarynyń eki dúrkin qola júldegeri (2012, 2016). Kásipqoı bokstaǵy jolyn 2017 jyly bastady.