Tis emdeıtin robot

Taıaýda Bostonnyń «Per­­ceptive» kompanııasy ja­saǵan robot alǵashqy jumy­syn ­bastady. Jasandy ıntel­lek­tige negizdelgen júıe 3D kó­lemdi skanerdi paıdalana­dy. Ol optıkalyq kogerent­tik tomografııa (OST) kómegi­men tisterdi, qyzyl ıekti jáne tis astyndaǵy júıke talshyqtary­men qosa, aýyz qýysynyń eg­jeı-tegjeı 3D úlgisin ja­saıdy. Beıneleý tehnologııasy tisjegini 90 paıyzdan astam dáldikpen anyqtaıdy. Munyń bári pa­sıenttiń  ádettegi rent­gen­dik skanerleýde bolatyn ıon­daýshy sáýlelenýge ushy­ramaýyna múmkindik beredi.

Júıe prosedýralardy oryndaý úshin 3D vı­zýal jáne robottehnıkany birikti­re­di. Kompanııa músheleriniń ­aıtýynsha, robot dári­ger tis qaptamasyn qoıý sııaqty tap­syrmalardy árqaısysy keminde bir saǵattan eki rettik qabyldaýdy talap etetin qazirgi ádistiń ornyna 15 mınýtta oryndaıdy.

«Perceptive» kompa­nııa­synyń jasandy ıntellekt algorıtmderi aqparatty operasııa josparyna aınaldy­ra otyryp, 3D derekterdi ın­terpretasııalaıdy. Kom­panııa bul prosedýralardy jaqsartýǵa bolatynyn aıtady. Stomatologter dástúrli emdeý sharalaryna qaraǵanda az ýaqyt ishinde joǵary sapaly kútimmen pasıentterdi dıagnostıkalaý jáne emdeý úshin robottardy paıdalana alady. Sonymen qatar jańa tehnologııa  qol eńbegine degen qajettilikti azaıtady eken. «STAT News» málimet­terine sáıkes amerıkalyq kompanııa óziniń alǵashqy tájirıbesin Kolýmbııadaǵy Barrankılıa qalasynda ót­­­kiz­gen. Bul jaıly «Per­ceptive» kompanııasynyń ne­gi­zin qalaǵan bas dırek­tor, doktor Krıs Sırıello (Chris Ciriello): «Biz álem­degi alǵashqy tolyq avtomat­tandyrylǵan robotpen sto­matologııalyq emdeý sharalaryn sátti aıaqtaǵanymyz­ǵa qýanyshtymyz. Bul medı­sınalyq jetistik stoma­to­logııalyq prosedýralar­dyń dáldigi men tıimdiligin jaq­­sartyp, klınıkalyq nátı­jeleri emdelýshiler­ge jo­ǵary sapaly stoma­to­logııalyq kómekke qolje­timdilikti arttyrady», dep aıtqan eken.

Jaqynda ǵana tanys­ty­rylǵan startaptyń jumys isteýi úshin 30 mıllıon dol­lar qarjy jınaldy. Kom­panııa ınvestorlarynyń qa­tarynda «Y Combinator» jáne Facebook áleýmet­tik jelisiniń negizin qalaý­shy Mark Sýkerberg­tiń ákesi, tis dárigeri, doktor  Edýard Sýkerberg bar.

Negizinen atalǵan tehnologııa tájirıbede qolda­nylǵanymen, halyqaralyq dáreje­de satylymǵa shyq­pady. Tipti AQSh-tyń ózin­de qoldanysqa engen joq. О́ıtkeni keńi­nen qolda­ny­latyn qyzmet­ke ­aınalmas buryn  «Percep­tive» jasaǵan robot-stomatolog­­ti AQSh-tyń azyq-túlik jáne dári-dármek basqarmasy (FDA) maquldaýy qajet. Al onyń júzege asýy úshin birneshe jyl kútý kerek de­sedi.

Osylaısha, Bostondaǵy (AQSh) startap kompanııa­sy álemdegi alǵashqy to­lyq avtomattandyrylǵan sto­matologııalyq prosedýrany robottyq tehnologııa arqyly jasap, tarıhqa endi.

Bı-Fatıma  ERALHANQYZY,

L.N.Gýmılev atyndaǵy Eýrazııa ulttyq ýnıversıtetiniń stýdenti