Elimizdiń barlyq mektepterinde bilim kúnine arnalǵan saltanatty is-sharalar 1 qyrkúıekte ótedi, dep habarlaıdy Egemen.kz.
Mınıstrliktiń baspasóz qyzmeti habarlaǵandaı, mektep oqýshylaryna arnalǵan jıyn jeksenbi, 1 qyrkúıekte ótedi.
«Bilim kúnine arnalǵan saltanatty is-shara elimizdiń barlyq óńirinde dástúrli túrde 1 qyrkúıekte ótedi», delingen habarlamada.
Aıta keteıik, 2024-2025 jańa oqý jylynda 345 myń birinshi synyp oqýshysy alǵash ret mektep tabaldyryǵyn attaıdy.
«1 qyrkúıekte «Mektebim – meıirim mekeni» taqyrybynda saltanatty is-shara ótedi. 2 qyrkúıekte – jańa oqý jylynyń birinshi kúni – «Meniń Otanym – Qazaqstan» taqyrybynda Biryńǵaı synyp saǵatymen bastalyp, ári qaraı sabaq kestesine sáıkes jalǵasady», dep naqtylady mınıstrlik.