Tájikstan Respýblıkasyna memlekettik saparmen barǵan Memleket basshysy Qasym-Jomart Toqaev ekinshi kúni osy eldiń Madjlısı namoıandagon Madjlısı Olı tóraǵasy Mahmadtoır Zokırzodamen kezdesti.
Parlamentaralyq yqpaldastyq nyǵaıady
Kezdesýde Prezıdent qazaq-tájik qatynasy qarqyndy damyp kele jatqanyn atap ótti. Qasym-Jomart Toqaev Odaqtastyq qatynastar týraly shartqa qol qoıylǵanyna nazar aýdaryp, bul ekijaqty yntymaqtastyqtyń múldem jańa kezeńine bastaý bolatynyn aıtty.
– Bul qujattyń tarıhı mańyzy zor. Osy arqyly alǵa qaryshty qadam basamyz. Prezıdent, qurmetti Emomalı Rahmonnyń parlamentaralyq baılanysty jandandyrý týraly usynysyn qoldaımyn. О́zińizdi elimizdiń shynaıy dosy retinde bilemiz. О́ıtkeni sizdiń stýdenttik shaǵyńyz Qazaqstanda ótti. Sondyqtan bizdiń baılanysymyz parlamentter deńgeıinde jandanyp, ekijaqty yntymaqtastyq pen odaqtastyqtyń eń mańyzdy bóligine aınalady dep úmittenemiz, – dedi Prezıdent.
Tájikstan Parlamenti tómengi palatasynyń spıkeri eki eldiń zań shyǵarýshy organdary arasyndaǵy baılanystardy damytýǵa jan-jaqty qoldaý kórsetkeni úshin Memleket basshysyna rızashylyǵyn bildirdi.
– О́zińizben kezdeskenime qýanyshtymyn. Prezıdentimiz, qurmetti Emomalı Rahmonmen shynaıy dostyǵyńyz memleketterimiz arasyndaǵy jan-jaqty yntymaqtastyq pen tatýlyqty nyǵaıtýǵa qyzmet etip keledi. Qazaqstan – Tájikstannyń senimdi dosy, strategııalyq seriktesi. Sizdiń osy saparyńyz ekijaqty qatynastardyń qarqyndy damyp kele jatqanyn kórsetedi. Biz buǵan erekshe mán beremiz. Sapar aıasynda 16 qujatqa, sonyń ishinde tarıhı máni zor Odaqtastyq qatynastar týraly shartqa qol qoıyldy, – dedi Mahmadtoır Zokırzoda.
Tájikstannyń Madjlısı namoıandagon Madjlısı Olı tóraǵasy Mahmadtoır Zokırzoda parlamentaralyq yqpaldastyqty odan ári nyǵaıtýǵa, sharttyq-quqyqtyq bazany keńeıtýge, eki el parlamentteri arasyndaǵy dostyq toptarynyń baılanysyn jandandyrýǵa kúsh salýǵa daıyn ekenin rastady.
Áńgimelesý barysynda saıası, saýda-ekonomıkalyq, mádenı-gýmanıtarlyq salalarda qol jetkizilgen ýaǵdalastyqtardy quqyqtyq turǵydan qamtamasyz etý máselesi talqylandy.
Saýda-sattyq kólemin arttyrý – ortaq kelisim
Sondaı-aq Qasym-Jomart Toqaev Tájikstan Premer-mınıstri Kohır Rasýlzodamen kezdesti. Áńgimelesý barysynda Prezıdent qol jetkizilgen ýaǵdalastyqtar eki eldiń san qyrly yqpaldastyǵyn jańa deńgeıge shyǵaratynyna senim bildirdi.
– Keshe jan-jaqty jáne mazmundy kelissóz júrgizildi. Onyń nátıjesi de kóńilden shyǵady. Bıznes-forýmdy joǵary deńgeıde ótkizýge qoldaý kórsetkenińiz úshin rızashylyǵymdy bildiremin. Jalpy quny 1 mıllıard dollardan asatyn kelisimderge qol qoıyldy. Bul – qýantarlyq jaıt. Keshe ózara saýda-sattyq kólemin 2 mıllıard dollarǵa jetkizý úshin birlesip jumys isteýge kelistik. Eki el úkimetteri memleketterimiz arasyndaǵy saýda aınalymyn ulǵaıtýǵa yqpal etetin túrli baǵytty qarastyrýy kerek dep oılaımyn, – dedi Memleket basshysy.
Qasym-Jomart Toqaev elimiz Tájikstanmen syndarly seriktestikti odan ári nyǵaıtýǵa beıildi ekenin taǵy bir márte rastady.
Kohır Rasýlzoda Tájikstanǵa memlekettik saparmen kelgeni úshin Qasym-Jomart Toqaevqa alǵys aıtyp, keıingi jyldary eki el arasyndaǵy yntymaqtastyq jandana túskenine toqtaldy.
– Tájikstan Úkimeti Qazaqstanmen yqpaldastyqty tereńdetýge basymdyq beredi. Sizdiń elińiz biz úshin mańyzdy saýda seriktes. Ondaǵan jyldar boıy Qazaqstan syrtqy saýda aınalymy boıynsha turaqty túrde negizgi ról atqaryp keledi. Bıylǵy birinshi jartyjyldyqta taýar aınalymy ulǵaıdy. О́sim kórsetkishi 20 paıyzǵa jýyqtady. Siz eki el úkimetterine ózara saýda-sattyq kólemin 2 mıllıard dollarǵa deıin jetkizýdi tapsyrdyńyz. Bul – oryndaýǵa bolatyn mindet, – dedi Tájikstan Premer-mınıstri.
Qasym-Jomart Toqaev pen Kohır Rasýlzoda kelisilgen ýaǵdalastyqtardy júzege asyrýdyń, sondaı-aq óndiristik kooperasııadaǵy jáne saýda-ekonomıka, kólik-tranzıt salalaryndaǵy áleýetti tolyqtaı paıdalanýdyń mańyzdy ekenin atap ótti.
Resmı kezdesýlerden keıin Qazaqstan men Tájikstan prezıdentteri aýyl sharýashylyǵy ónimderi men ulttyq taǵamdar kórmesin aralap kórdi. Qasym-Jomart Toqaev pen Emomalı Rahmonǵa kórmede kókónister men jemister tanystyryldy.
Budan bólek, memleketter basshylaryna ulttyq taǵamdar, sonyń ishinde aspazdar erekshe talǵammen ázirlegen palaý túrleri, taba nandar men kúlsheler kórsetildi.