Gazetimizdiń keshegi nómirinde Atyraý qalasyna taıaý ornalasqan «Jumysker» eldi mekenindegi I.Taımanov atyndaǵy mektep oqýshylarynyń ýlanǵany týraly habarlaǵan edik. Osynaý oqys oqıǵanyń týyndaýyna ne sebep boldy?
«Oqýshylardyń biri birinshi qabattaǵy kıim iletin bólmege gaz ballonyn búrkigen. Sonyń saldarynan joǵary synyptardyń 21 oqýshysy men bir qyzmetkeri aerozoldyq gazǵa ýlaný belgisimen aýrýhanaǵa jetkizildi. Zardap shekkenderge der kezinde kómek kórsetildi. Jansaqtaý bólimine birde-bir oqýshy, birde bir qyzmetker túsken joq. 22 qańtar kúni 18:00 saǵatta 18 oqýshy aýrýhanadan shyǵaryldy. Úsh oqýshy ártúrli shaǵymmen dárigerlerdiń qaraýynda qaldyryldy», dep habarlady oblys ákimdiginiń baspasóz qyzmeti.
Al Atyraý qalalyq bilim bóliminiń basshysy Nursáýle Saılaýovanyń aıtýynsha, aldyn ala málimetter boıynsha, oqýshylardyń biri áýestikpen gaz ballonyn búrikkenin moınyna alypty.
«Egemen-aqparat».