Býdapesht qalasynda Majarstan prezıdentiniń qoldaýymen Eýropalyq sapa uıymy (The European Organisation for Quality) uıymdastyrǵan «Sapa ınnovasııalary – 2014» baıqaýynyń jeńimpazdaryn marapattaý saltanaty ótti.
«Áleýetti ınnovasııalar» nomınasııasynda qazaqstandyq «Ulttyq ǵylymı medısınalyq ortalyǵy» AQ joǵary qarqyndy ýltradybyspen emdeý tehnologııasyn (HighIntensity Focused Ultrasound) engizgeni úshin jeńimpaz atandy.
Búgingi tańda bul qaterli isik oshaǵyn joıýda ınvazıvtik emes tásildiń jalǵyz túri bolyp tabylady, ıaǵnı emdeý sharalary barysynda teri betiniń tutastyǵy búlinbeıdi.
Eýropalyq sapa júldesi bıznes úderisterdi basqarý júıesin jáne jumys sapasyn jaqsartý úshin beriletin eýropalyq bedeldi syı bolyp tabylady.
Júldeni Ortalyqtyń bas dırektory, medısına ǵylymdarynyń doktory, professor Abaı Baıgenjın qabyldap aldy. Marapattaý saltanatyna Qazaqstan Respýblıkasynyń Majarstandaǵy Tótenshe jáne ókiletti elshisi Nurbah Rústemov qatysty.
«Egemen-aqparat».