2025 jyly ekonomıkanyń naqty sektoryn qoldaýǵa 2,1 trln teńge qarastyrylǵan. Basym baǵyttardyń qatarynda: agroónerkásip kesheni, kólik ınfraqurylymyn damytý, kásipkerlikti qoldaý bar, dep habarlaıdy Egemen.kz.
Úkimettiń baspasóz qyzmetiniń habarlaýynsha, memleket Agrarlyq-ónerkásiptik keshendi damytýǵa 635 mlrd teńge bóledi. Osy baǵyt sheńberinde kóktemgi egis jáne egin jınaý jumystaryn jeńildetilgen nesıe berýdi iske asyrý, «Aýyl amanaty» jobasy aıasynda aýyl turǵyndary tabysyn arttyrý, SQO tájirıbesi boıynsha iri ınvestısııalyq jobalarǵa nesıe berý, sondaı-aq AО́K-ti sýbsıdııalaý josparlanǵan.
«Kólik ınfraqurylymyn damytýǵa respýblıkalyq bıýdjetten 568 mlrd teńge bólinedi. Osylaısha, 18 myń shaqyrymnan astam joldy kútip ustaý, memlekettik kepildik beriletin qaryzdar esebinen respýblıkalyq mańyzy bar avtojoldarynyń 10 jobasy rekonstrýksııalanyp, 7 292 birlik mólsherinde temirjol vagondarynyń jyljymaly quramy parki jańartylady», delingen habarlamada. Sonymen qatar ShOB-ty qoldaý úshin jeke kásipkerlik sýbektilerine berilgen nesıeler boıynsha qabyldanǵan mindettemelerdi óteýge, operatorlyq qyzmetter kórsetýge, sondaı-aq kásipkerlik áleýetti kúsheıtýge jáne saýyqtyrýǵa syıaqy mólsherlemesin sýbsıdııalaýǵa bıýdjetten 204 mlrd teńge bólinetini atap ótildi.