QR Bas prokýratýrasy Qazaqstan azamatyn asa iri mólsherde esirtki kontrabandasy úshin qylmystyq jaýapkershilikke tartý úshin Reseı Federasııasynan ekstradısııalady, dep habarlaıdy Egemen.kz.
Anyqtalǵandaı, ótken jyldyń maýsym aıynda kúdiktiler aldyn ala sóz baılasyp, birneshe memlekettiń aýmaǵy arqyly salmaǵy 60 kelige jýyq geroın men salmaǵy 10 keliden asatyn gashısh kontrabandasyn uıymdastyrǵan.
Aıta keteıik, sotqa deıingi tergeý barysynda kúdikti halyqaralyq izdestirýge jarııalanǵan.
«Kúdikti ótken jyldyń tamyz aıynda Máskeýde ustaldy, sodan keıin QR Bas prokýratýrasynyń suraýy boıynsha Qazaqstanǵa ekstradısııalandy. Endi kúdiktiniń múlki tárkilenip, 15 jyldan 20 jylǵa deıingi merzimge nemese ómir boıyna bas bostandyǵynan aıyrylýy múmkin», dep habarlady Bas prokýratýranyń baspasóz qyzmeti.
Qazir kúdikti tergeý ızolıatorynda otyr.