Aqparattar aǵyny

*Jaqyn ýaqytta teńge baǵamynda kúrt ózgeris bol­maıdy. Ulttyq banktiń tóra­ǵasy Qaırat Kelimbetov atap kórsetkendeı, aıyrbas baǵamy 1 AQSh dollaryna shaqqanda 170-188 teńge deńgeıinde saq­ta­latyn kórinedi. *Elimizde Uly Otan so­ǵysy týraly aqparattyq portal qurylady. Eýrazııalyq medıaforýmnyń bas dırektory Rýslan Jemkovtyń aıtýynsha, onda qazaqstandyq ardagerlerdińmálimetter bazasy ornalastyrylady. Dáliregi, joba arqyly jeńiske kómegi tıgender, soǵysqa qatysqandar jáne dalamyzdan shyqqan batyrlar týraly aqparat usynylady. *Byltyr «Tulpar-Tal­go» poıyzdary qyzmetin 1 mln.-nan astam jolaýshy paıdalandy. «Jolaýshylar tasymaly» AQ baspasóz qyz­meti habarlaǵandaı, atalǵan tasymal kólikteri sońǵy 3 jyldyń ishinde ashylǵan jańa 8 baǵyt boıynsha qatynaıdy. Aıta keteıik, bul poıyzdardyń vagondary zaman talabyna saı jabdyqtalǵan. *«Shubarkól kómir» AQ óz jumyskerlerine ja­ńa jaı salyp berdi. Qara­ǵan­dy oblysyndaǵy «Orta­lyq» vahtalyq kentinde or­na­­las­qan 60 oryndyq demalys úıine Eýrazııalyq Top (ERG) quramyna kire­tin kom­panııaǵa qaras­ty №1 avtokolonnanyń jumys­shylary jaıǵasty. *Ońtústik Qazaqstanda 124 myńǵa jýyq aǵash kó­shet­teri egildi. Oblystyq tabıǵı resýrstar jáne tabıǵat paıdalanýdy retteý basqarmasynyń basshysy Muhıt Otarshıevtiń sózine qaraǵanda, orman aǵash­taryn molaıtýdyń 2012-2014 jyldarǵa arnalǵan is-sharalar josparyna sáıkes, byltyr óńirde 19 657 ga. jerge sekseýil uryǵy sebilse, 860 ga. alqapqa onyń kósheti otyrǵyzylǵan. *Aqmola oblysy Shý­che qalalyq ishki ister bas­qar­masynyń jedel basqarý ortalyǵy ashyldy. JBO-nyń baqylaý júıesi 20 eselik optıkalyq úlkeıtý qasıeti bar, aýa raıynyń kez kelgen jaǵ­daıynda basqarylatyn 20 beı­nebaqylaý kamerasynan tu­rady. Onyń ashylýyna aı­maq basshysy Sergeı Kýlagın qatysty. *Batys Qazaqstanda gazdandyrý jumystaryna 2,6 mlrd. teńgeden astam qarjy bólinip otyr. Oblystyq energetıka jáne turǵyn úı-kommýnaldyq sharýashylyǵy basqarmasynyń bólim basshysy Nurjan Boranqulov málim etkendeı, kórsetilgen qar­jynyń 2,3 mlrd.-tan astam teń­gesi respýblıkalyq, al 316 mln. teńgesi jergilikti bıýd­­­jet­­ten qaralǵan. Osynyń esebi­­nen 15,5 myń turǵyny bar 25 el­di mekenge gaz tartylady. *Soltústik Qazaqstanda ShOB salasynda 112 myń­nan astam adam eńbek ete­di. Oblystyq statıstıka depar­tamentiniń baspasóz qyzmeti ótken jyldyń qańtar-qyrkúıek aılary aralyǵynda bul salada 209,7 mlrd. teńgeniń ónimderi óndirilgenin málimdedi. Habarlar Úkimet, oblystyq ákimdikter saıttary men «QazAqparat» derekteri boıynsha daıyndaldy.