Premer-mınıstrdiń birinshi orynbasary Roman Sklıar bastaǵan úkimettik delegasııanyń sapary aıasynda Berlın qalasynda (GFR) birqatar iri nemis kompanııalary basshylarymen kezdesýler ótti.
Onyń qatarynda «Lift Air GmbH», «Flight Design General Aviation GmbH», «Green Energy Holding GmbH», «Deutsche ForfaitAG», «Euler Hermes AG», «SIEMENS AG, «CLAAS», «HMS Bergbau AG», «SVEVINDEnergy» jáne ı «Deutsche Bahn AG»AG kompanııalary bar.
Kezdesýler barysynda taraptar saýda-ınvestısııalyq ózara is-qımyldyń basym baǵyttaryn damytý máselelerin talqylap, energetıka, taý-ken metallýrgııa, agroónerkásiptik keshen jáne mashına jasaý salalaryndaǵy keleshegi bar jobalar týraly pikir almasty.
Premer-mınıstrdiń birinshi orynbasary nemis bıznesi ókilderine Qazaqstan tikeleı sheteldik ınvestısııalar kólemin ulǵaıtýǵa úlken kóńil bóletinin aıtyp, yntymaqtastyqty odan ári tereńdetýge múddeli ekenin atap ótti.
О́z kezeginde nemis kompanııalary ókilderi Qazaqstandaǵy qolaıly ınvestısııalyq ahýaldy atap ótip, ınvestısııalyq jobalardy júzege asyrýǵa joǵary qyzyǵýshylyq tanytty.