Qyzylorda qalalyq prokýratýrasy ótken jyldyń qorytyndysy negizinde Qyzylorda oblystyq ádilet departamentine qarasty aýmaqtyq sot oryndaýshylar bóliminde esepte turǵan jalaqy óndirý sanatyna taldaý júrgizdi.
Taldaý barysynda, qalalyq prokýratýra men sot oryndaýshylarynyń birlese qyzmet atqarý nátıjesimen quny 64 067 860 teńgeni quraıtyn 170 atqarý qujaty óndiriske engizildi. Al 2014 jyldyń sońynda atalǵan sanattaǵy barlyq atqarý qujattardy oryndaý aıaqtaldy.
Onyń ishinde prokýrorlyq yqpal etý aktisi nátıjesimen 39 689 913 teńge quraıtyn 139 atqarý qujaty naqty oryndalsa, 1 boryshker ákimshilik jaýapkershilikke tartylǵan.
Atap aıtqanda, memlekettik sot oryndaýshysymen «SK Horkýt» JShS-nen 7 qyzmetkerge 4.8 mln. teńge óndirý týraly atqarý qujatyn oryndatý maqsatynda mekeme dırektory B.K-ke qatysty ákimshilik hattama toltyrylyp, Qyzylorda mamandandyrylǵan ákimshilik sotyna qaraý úshin joldandy. Nátıjesinde, ákimshilik sotynyń 29.01.2014 jylǵy qaýlysymen mekeme dırektory ÁQBtK-tiń 524-babymen kináli dep tanylyp, 5 AEK kóleminde aıyppul salyndy.
Sondaı-aq, boryshkerdiń atynda 4 jer telimi tirkelgeni anyqtalyp, olardy baǵalap, ary qaraı saýda-sattyqqa shyǵarylyp, aýksıon arqyly 31 mln. satylyp, jumysshylardyń eńbek aqylary tolyq tólenýine qol jetkizildi.
Osy tektes zań buzýshylyq, boryshker «Jer ana Grýpp» JShS-niń bir avtokóligi saýda-sattyqqa shyǵarylý nátıjesimen, óndirip alýshynyń paıdasyna 251 000 teńge jalaqy sommasy tolyq aýdaryldy.
Sondaı-aq, qalalyq prokýratýra boryshker «Kazros Mýnaı» JShS-nen 1 jumysshyǵa 205 704 teńge jáne «Arna Qyzylordamelıorasııa» JShS-nen 3 qyzmetkerge 483 249 teńge jalaqy óndirý týraly atqarý óndiristerin zerdelep, nátıjesinde, seriktestik mekemeleriniń dırektorlary men bas esepshileri qalalyq prokýratýraǵa shaqyrtylyp, boryshkerlerdi ákimshilik jáne qylmystyq jaýapkershilikterge tartylatyny túsindirildi. Osyǵan sáıkes, jumysshylardyń jalaqylary tolyǵymen tólendi.
Qalalyq prokýratýra aǵymdaǵy jyldyń 10 kúninde boryshker «Danı-Er» JShS-gi 46 qyzmetkerge 5 133 549,12 teńge jalaqy qaryz ekenin anyqtady.
Osyǵan sáıkes, qala prokýrorynyń 31.12.2014 jylǵy (uıǵarymdy májbúrlep oryndatý týraly) qaýlysy shyǵyp, ony oryndatý úshin memlekettik sot oryndaýshylaryna joldanyp, qorytyndysymen seriktestiktiń ekinshi deńgeıdegi bankterdegi esep shottaryna ınkassa qoıylyp, «Halyq Bank» AAQ-nyń Qyzylorda fılıaly arqyly 5 133 549 teńge ádilet departamentiniń dıpozıtine 08.01.2015 jyly aýdarylyp, ertesine seriktestiktiń qyzmetkerleriniń esep shottaryna eńbek aqylary aýdarylyp, 46 azamattyń Konstıtýsııalyq quqyqtary qorǵaldy.
Farabı Uzaqov, Qyzylorda qalasy
prokýratýrasynyń bólim bastyǵy.
Cýret: ogodom.ru.