Memleket basshysy Qasym-Jomart Toqaevtyń Qazaqstan halqyna arnaǵan dástúrli Joldaýynda elimizdiń áleýmettik-ekonomıkalyq, qoǵamdyq-saıası, ishki jáne syrtqy saıasattaryn jetildire túsýdiń aıshyqty mindetteri jarqyn kórinis taýyp otyr.
Bıylǵy Joldaýdyń «Ádiletti Qazaqstan: zań men tártip, ekonomıkalyq ósim, qoǵamdyq optımızm» atty taqyryppen usynylýynyń ózi el erteńine degen senimdi nyǵaıtyp, memleket bolashaǵyna degen optımıstik úmitke ot berip otyr.
Jolǵa shyqqan jańa saıası qujatta otyz jyldan astam qoldanysta bolǵan Bank júıesin jetildirýge arnalǵan jańa Zań qabyldaý máselesi oryndy kóterildi dep esepteımin. Sonymen qatar, elimizdiń ekonomıkalyq qudiretiniń berik irgesin qalyptastyrý maqsatynda jańa Salyq kodeksi aıasynda memlekettik bıýdjettiń kiris bóligin arttyra túsý joldaryn da qarastyrý jaıly óte mańyzdy tapsyrmalar berildi.
О́z Joldaýynda Prezıdent barlyq salada ınvestısııalyq ahýaldy jáne bıznes júrgizýge qajetti jaǵdaıdy jaqsartý jolynda úzdiksiz jumys júrgizýdi taǵy da basa aıtty. Onyń ishinde agroónerkásip keshenine ınvestısııa tartý – óte mańyzdy mindet ekenine aıyryqsha toqtaldy.
Qasym-Jomart Toqaev óz sózinde: «Bir sózben aıtsaq, Ádiletti Qazaqstan qurylyp jatyr. Munyń bári, eń aldymen, halyqtyń qalaýymen jasalýda. Sondyqtan biz alǵan betimizden qaıtpaımyz, baǵytymyzdan taımaımyz», degen memlekettik damý saıasatynyń naqty joldaryn aıqyndap berdi. Sonymen qatar ótken jyly bastalǵan «Aýyl amanaty» jobasynyń tabysty nátıjelerine keńinen toqtalyp, endigi jerde osy joba aıasynda taǵy bir jańa tásildi, ıaǵnı «taýar nesıesin» berý máselesin qarastyrý qajettigin kórsete kele, «Amanat» partııasynyń bastamasymen Jambyl oblysy Merki aýdanynda júzege asyrylyp otyrǵan osy oń tájirıbeni basqa da aımaqtarǵa taratýdy oılastyrýy kerektigin Úkimet pen ákimderge mindettedi.
Sondaı-aq Memleket basshysy 2025 jyldy «Jumysshy mamandyqtary jyly» dep jarııalaýy qoǵam ishinde úlken serpilis týǵyzary aqıqat. О́ıtkeni elimizdiń barlyq salasy qazirgi tańda orta kásibı mamandar jetispeýshiligin sezinip otyr. Al bul qadamnyń tehnıkalyq jáne kásibı bilim berý júıesin tabysty reformalaý arqyly oń sheshimin tabaryna kúmán keltirýge bolmaıdy.
Jalpy jańa Joldaýdaǵy «Adal azamat – Adal eńbek – Adal tabys» qaǵıdaty arqyly eńbek adamynyń qashanda qurmetti, ári syıly bolý bıigine kóterý búgingi Ádiletti Qazaqstannyń jarqyn aınasy bolýǵa aparar jasampaz joly bolary haq.
Bulardan basqa da asa úlken keleli de ózekti máselelerdi kótergen jańa Joldaýdyń túpki maqasaty el ıgiligin artyrýǵa, qoǵam tynyshtyǵy men yntymaqty saqtaýǵa negizdelgen jyldyń saıası qujaty bolǵany ýaqyt shyndyǵy.
Endigi alda turǵan asa jaýapty mindet – qyrkúıek Joldaýynda aıqyndalǵan mejeli mindetterdiń tabysty oryndalýyna barynsha yqpal etýmen erekshelenbek. Men elimizdiń barlyq azamatyn osy bıikterden kórinýge shaqyramyn.
Joldaý sońynda Memleket basshysy: «Ár adamǵa jáne barshaǵa birdeı múmkindik beretin memleketti, ıaǵnı Ádiletti Qazaqstandy bolashaq urpaqqa amanat etý – barshamyzǵa ortaq mindet», ekenin ashyq túrde jarııa etýi bul qujatta naqtylanǵan árbir mindetterdiń barsha azamatqa ortaq ekenin ashyq aıqyndady.
Sáken ARÝBAEV,
QR Parlamenti Senatynyń depýtaty