Saýda jáne ıntegrasııa mınıstrligi ÁQBtK-ke áleýmettik mańyzy bar azyq-túlik ónimderine saýda ústemesin asyrǵany úshin bıznes ókilderine ákimshilik jazany qatańdatý jóninde túzetý ázirledi, dep habarlaıdy Egemen.kz.
Saýda jáne ıntegrasııa birinshi vıse-mınıstri Aıjan Bıjanova 3 qyrkúıekte ótken ÁMAT baǵasyn turaqtandyrý jónindegi keńeste ózgerister jobasy boıynsha retteýshilik áserge taldaý júrgizilgenin, qujat jaqynda Májiliske jiberiletinin aıtty.
«Qoldanystaǵy Zań boıynsha áleýmettik azyq-túlik ónimderine 15%-dan artyq ústeme qosýǵa bolmaıdy. Kásipkerdiń zańdy buzǵany anyqtalǵan jaǵdaıda, birinshi joly eskertý beriledi. О́zgerister osy eskertýdi 5-ten 150 AEK-ke deıingi aıyppulǵa aýystyrýdy kózdeıdi», dedi Aıjan Bıjanova.
Vedomstvo málimetinshe, áleýmettik ónimderge saýda ústemesin asyrǵany úshin 2023 jyldyń 8 aıynda 760 qaýly, al 2024 jyldyń basynan bastap 29 tamyzǵa deıin 11,8 mln teńge somasyna 2 807 ákimshilik qaýly shyǵarylǵan, bul byltyrǵydan 4 esege kóbeıgenin bildiredi.