Jetisý oblysynyń polıseıleri egde jastaǵy áıeldi páterinde uryp-soǵyp, aqshasyn urlap ketken er adamdy ustady, dep habarlaıdy Egemen.kz Rolisia.kz saıtyna silteme jasap.
Polısııanyń habarlaýynsha, jergilikti turǵyn bólimshege habarlasyp, oblys aýmaǵynda turatyn 74 jastaǵy qart kisi baılanysqa shyqpaı jatqanyn jetkizgen.
«Osy fakti boıynsha oqıǵa ornyna jedel tergeý toby jiberildi. Tótenshe jaǵdaılar departamentiniń qyzmetkerlerimen birge quqyq qorǵaý organdary páterge balkon arqyly kirdi. Jatyn bólmede medısınalyq kómekke muqtaj qart áıel tabyldy. Ol dereý aýrýhanaǵa jetkizildi», dep habarlady PD KPB bastyǵy Dáýren Sákenov.
Jábirlenýshiniń aıtýynsha, oqıǵa bolǵan kúni belgisiz er adam páterge kirip, qart áıeldi uryp-soqqan, keıin bar aqshasyn talap etken. Aqyry 300 myń teńgeni qoldy qylyp, belgisiz baǵytqa ketip qalǵan.
Jedel izdestirý sharalarynyń nátıjesinde polısııa qyzmetkerleri buryn sottalǵan 33 jastaǵy er adamdy anyqtap, dereý qamaýǵa alǵan. Atalǵan fakt boıynsha sot saraptamalary taǵaıyndaldy, sotqa deıingi tergeý amaldary júrgizilip jatyr.