Serbııanyń Sýbotısa qalasynda bokstan halyqaralyq týrnır aıaqtaldy. Jastar arasyndaǵy jarysta el namysyn qorǵaǵan sportshylar bes medal jeńip aldy.
Halyqaralyq dodaǵa Qazaqstan, Grýzııa, Ázerbaıjan, Slovenııa, Aýstrııa, Shotlandııa, Belarýs, Chernogorııa, Bosnııa jáne Gersegovına, Rýmynııa, Latvııa, Polsha, Kosovo, Reseı jáne Serbııadan kelgen myqtylar qatysqan. Osyndaı iri jarysta el quramasy atynan 9 sportshy qatyssa, onyń beseýi qola júldege ilikti. Júlde alǵan órenderdiń ishinde Dáýlet Boranqulov (51 kılo), Ramazan Orynbasar (54 kılo), Ádilet Ermanov (54 kılo), Jáńgir Aldabergen (67 kılo) jáne Danııal Raıymbekov (92 kılo) syndy myqtylar bar. О́renderimiz áli talaı halyqaralyq týrnırlerde top jarady degen úmit basym.
Balýandar básekesinde top jardy
Ispanııanyń Pontevedre qalasynda kúres túrlerinen 20 jasqa deıingi sportshylar arasynda ótip jatqan álem chempıonatynda taǵy bir balýan medaldan úmitti.
Jeńil salmaqtaǵy sportshylar arasynda fınaldyq básekeler aıaqtalyp, kezek aýyr salmaqqa da jetti. Grek-rım kúresinen 97 kıloǵa deıingi salmaqta synǵa túsken Rahat Berjanov qola medalǵa talasady. R.Berjanov týrnır barysynda Germanııadan kelgen myqty sportshyǵa ese jiberdi. Alaıda qarsylasy fınalǵa deıin jetken soń, jubanysh beldesýge qatysý múmkindigin alyp, ony sátti paıdalandy. Irandyq qarsylasyn 7:3 esebimen jeńgen otandasymyz, qola medal úshin kúreste túrkııalyq Ahmet Eremektermen boz kilemge shyǵady.
Aqparat úshin aıtar bolsaq, osyǵan deıin grek-rım kúresinen 55 kıloda synǵa túsken Aıbek Aıtbekov óz salmaǵynda úzdik úshtikke endi. Aıbek kishi fınalda moldovalyq Maksım Sarmanovty 10:1 esebimen ońaı jeńdi. Bul salmaqta altyndy Iran, kúmisti AQSh balýany ıelense, taǵy bir qola júlde reseılik Álibek Amırovtiń enshisinde ketti. 87 kılo salmaqta synǵa túsken Temirlan Turdaqyn da álem chempıonatynda úzdikter qatarynan kórindi. Qola medal úshin kúreste Temirlan armenııalyq Rýben Gevorgıandy jeńdi. Taǵy bir qola medaldi Grýzııa balýany ıelengen.