PAVLODAR. 24 qańtar. Oljabaı Jarmakın - búkil ǵumyryn bilim men ǵylymǵa, onyń ishinde fılologııa salasyna arnaǵan ǵalym. Basqa ǵalymdardan ereksheligi, bul kisi kóp til biledi. Júzdegen shákirtter tárbıeledi. Ana tilimizdiń janashyry. Nemis tiliniń mamany, fılologııa ǵylymynyń kandıdaty, dosent, professor Oljekeń aldaǵy 28 qańtarda 80 jasqa tolady. Bul týraly egemen.kz tilshisi habarlady.
Jubaıy Nurıla apa ekeýi úsh bala ósirdi. Baqytjan, Baýyrjan - dárigerler, Gúlnári - ekonomıst-zańger. Nemere, shóbereler tarady. Oljabaı Qaıkenuly eńbek jolyn 1956 jyly aýyl mektebinde nemis tili pániniń muǵalimi bolyp bastapty. Oblys ortalyǵyndaǵy pedagogıkalyq ınstıtýttyń shet tilder kafedrasyn basqaryp 30 jyldaı qyzmet atqardy. Al, 1997 jyldan búgingi kúnge deıin Sultanmahmut Toraıǵyrov atyndaǵy memlekettik ýnıversıtetiniń «Sheteldik fılologııa jáne aýdarma isi» kafedrasynda qyzmet etip keledi. Ǵalym 50 ǵylymı maqala, 2 monografııa, 5 oqýlyq jazdy. Jasy 80-ge kelse de áli tyń, sergek. Ádemi qartaıa bilý degen osy. Aǵamyzǵa aldaǵy ýaqytta da ǵylymı eńbekter qatary tolyǵa tússin, densaýlyǵy myqty bolsyn dep tileımiz.
Farıda Byqaı.
Derek: egemen.kz.
Sýret: egemen.kz.